POP 5

Lajmet më të lexuara të 5 minutave të fundit

Kronikë

Greqi, bandë 1 milion euroshe
me antiplumba dhe kallashë

Një dyzinë shqiptarësh të akuzuar për dhjetra e dhjetra grabitje të dhunshme në tokën greke, janë identifikuar, arrestuar apo shpallur në kërkim nga policia fqinje.
GREQI- Një dyzinë shqiptarësh të akuzuar për dhjetra e dhjetra grabitje të dhunshme në tokën greke, janë identifikuar, arrestuar apo shpallur në kërkim nga policia fqinje. Rasti më i bujshëm i përket zonës së Atikës, ku 7 shqiptarë “kishin bërë kërdinë”, duke grabitur banka, argjendari, shtëpi, etj, teksa mallrat e vjedhura e kalojnë shifrën e 1 milionë eurove. Sakaq, policia në Pella prangosi 4 grekë dhe një 36-vjeçar shqiptar si autorët e vjedhjes se një greku 47 vjeç, ku më 5 qershor kanë vjedhur materiale me vlerë 35.000 euro. Dhjetra shqiptarë të tjerë u kapën orët e fundit në Greqi, për vjedhje.

Banda 1 milionëshe
Policia greke thotë se ka identifkuar 7 anëtarët e grupit kriminal shqiptar, teska prangosën Ilir Gjinin, 50 vjeç, i cili mendohet të jetë koka, teksa në kërkim janë shpallur 6 shqiptarët e tjerë, Ilir Gjini, 50 vjeç, Hektor Qirjazi, 30 vjeç, Lulëzim Elmazaj, 22 vjeç, Agron Shakaj, 34 vjeç, Arsen Selimaj 29 vjeç, Ervis Arapaj, 29 vjeç dhe Erion Peçi, 27 vjeç. Policia greke kërkon bashkëpunimin e palës shqiptare, pasi mendohet se disa prej tyre janë strehuar këtu.

Objektivat e grabitjeve ishin bizhuteritë, degët e bankës, dyqane e madje furrat e bukës, të armatosur rëndë, (kallashnikovë) dhe vishnin xhaketa antiplumb. Nga pikat e grabitjeve përdornin makina të vjedhura për të ikur. Pas çdo rasti të përplasjes së armatosur, ata arratiseshin në Shqipëri, ku ktheheshin prapë pas pak kohe në Greqi.

Në makinë janë konfiskuar, një AK 47 kallashnikov me 60 fishekë, pushkë automatike me 20 fishekë, një pistoletë “Crvena Zastava 99”, me 13 fishekë, një pistoletë elektrike (Tazer), 4 karikatorë me 121 fishekë, një paruke, 5 palë doreza, etj.

Në total ata akuzohen për 3 vrasje në tentativë, duke përfshirë 2 kundër policisë, një tentativë grabitje të bankës, 3 vjedhjeve të shtëpive, 10 plaçkitjet në dyqane, vjedhjen e 6 makinave, një bizhuteri, etj. Më konkretisht, mes dhjetra rastave përmendet 30 marsi 2012, kur në një argjendari në Argos vodhën 30.000 euro.

Në 7 qershor 2012, në një argjendari në Athinë, me armë morën mallin me një vlerë totale prej rreth 500.000 euro. Më 14 qershor 2012, 3 nga të akuzuarit, duke pretenduar të jenë konsumatorë, hynë në një dyqan bizhuterish në “New Filadelfia”, ku morën mall që vlente 100 mijë euro si dhe vodhën edhe 1500 euro kesh.

Në 5 qershor 2012, hynë në një shtëpi në Anavyssos dhe morën bizhuteri me vlerë 5.000 euro si dhe 42 mijë euro në një bizhuteri tjetër më 3 korrik në Galati. Orët e natës të 20 nëntorit të kaluar, hynë në një bankë, por dolën duarthatë. Numërohen dhjetra vjedhje të tjera prej tyre.
 
 Shkrimi u publikua sot (24.12.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55