POP 5

Lajmet më të lexuara të 5 minutave të fundit

Bota

Greqi, pas tërmeteve rikthehet makthi i zjarreve, në ishullin e Evias evakuohen 4 fshatra

Kryeministri grek Kyriakos Mitostakis u detyrua të ndërpresë pushimet për t'u kthyer në Athinë ndërsa 56 vatra zjarri janë aktive në 24 orët e fundit në gjithë Greqinë.

Greqi, pas tërmeteve rikthehet makthi i zjarreve, në ishullin e Evias evakuohen 4 fshatra

Zjarri në ishullin e Evias në Greqi

Greqi- 4 fshatra në ishullin verior të Athinës, Evia janë evakuar si pasojë e zjarrit i cili ka dalë jashtë kontrollit. Flakët u shfaqën në orën 3:00 të mëngjesit të së martës dhe rreth 300 banorë të këtyre 4 fshatrave,Makrimallit, Kontodoptit, Stavros dhe Platanias u detyruan të largohen me autobusa ose me automjetet e tyre. 

Vetëm ditën e sotme janë përfshirë rreth 1000 zjarrfikës për të shuar flakët por zjarri është ende jashtë kontrollit. Autoritetet greke kanë kërkuar ndihmë nga Emergjencat Civile të BE, dhe menjëherë 4 avionë zjarrfikës nga Italia dhe Kroacia u vendosën në dispozicion të fqinjëve grekë. 

Prej situatës së rënduar, kryeministri grek Kyriakos Mitsotakis ndërpreu menjëherë pushimet dhe u kthye në Athinë për të kryer një takim urgjent me Departamentin e Përgjithshëm Zjarrfikës të Greqisë. 

Pas takimit Mitsotakis u shpreh se kushtet ditën e sotme janë jashtëzakonisht shumë të vështira dhe se qëllimi primar është mbrojtja e jetëve njerëzore. Kurse ministri i brendshëm Takis Theodorikakos ishte në një vijë me kryeministrin: Më e rëndësishmja është mos kemi humbje në njerëz.

Në fakt zjarret kanë përfshirë gjithë Greqinë. Vetëm 24 orët e fundit në gjithë vendin janë 56 vatra zjarri aktive, kryesisht pyjore por bilanci është vetëm një zjarrfikës i lënduar në Evia dhe asnjë viktimë deri tani. Ky nuk është problemi i vetëm e grekëve dhe i pushuesve në këto ditë të nxehta vere pasi vendi po goditet dhe nga shumë tërmete sidomos në zonën e Athinës dhe Kretës.

Kujtojmë se vitin e kaluar 100 persona vdiqën nga zjarret në rajonin e Attica-s. 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Mars, 18:47

    Fileto pule me salmonelë, sa të sigurta janë produktet që konsumojmë?

Lajme të tjera



×

Lajmi i fundit

Si u hodh në erë me dinamit shtatorja e Stalinit në Tiranë, më 28 Mars 1990! Rrëfehet për 'Esencë' Bujar Nallbani: Frika dhe lumturia ime e atyre ditëve!

Si u hodh në erë me dinamit shtatorja e Stalinit në Tiranë, më 28 Mars 1990! Rrëfehet për 'Esencë' Bujar Nallbani: Frika dhe lumturia ime e atyre ditëve!

28 Mars, 22:05