Greqi, rekord historik
i papunësisë në vend

GREQI - Shërbimi statistikor grek regjistroi shifrën rekord të gjitha kohërave për papunësinë në Greqi duke bërë me dije se në nëntor të vitit të kaluar në të gjithë vendin kishte 1 029 587 të papunë, shifër e barabartë me 20,9 për qind të popullsisë aktive. Vetëm një muaj më parë, në tetor, niveli i papunësisë ishte 18,2 për qind. Më konkretisht, numri i të papunëve u rrit nga 903 525 në tetor 2011, në 1 029 587 në nëntor, çka do të thotë se brenda një muaji në listën e të papunëve u shtuan 125 744 persona. Nga kjo shifër rezulton se çdo ditë në Greqi janë humbur 5 000 vende pune. Brenda 12 muajve të fundit janë rritur ndjeshëm edhe shifrat e papunësisë ndër të rinjtë e moshës deri 24 vjeç, plot 48 për qind, çka do të thotë se një ndër dy të rinj të kësaj moshe nuk ka punë.

(aq/shqiptarja.com)