Policë që ndodheshin të stacionuar pranë zyrave të subjektit politik njoftuan në radio se një person po u afrohej me duart e drejtuara dhe qëlloi 3-4 herë me një pistoletë, që nga hetimet ka rezultuar e tipit “Tokarev”.
Nga sulmi nuk raportohen persona të lënduar, ndërkohë që mësohet se agjentët nuk iu përgjigjën zjarrit të agresorit. Në vijim, personi në fjalë u largua nëpër rrugicat e lagjes Eksarqia dhe deri në orët e mbrëmjes nuk është bërë ende i mundur identifikimi i tij.
Autoritetet kanë deklaruar se bëhet fjalë për akt terrorist, ku të dyshuarit kryesorë janë celulat e mbetura të organziatave ekstremiste marksiste që operojnë në vend.
![](https://shqiptarja.com/template/img/NO_ALFA_Kuadrate shqiptarja.png)
Akti terrorist është dënuar nga i gjithë spektri politik grek, me kryeministrin Aleksis Tsipras që e ka cilësuar “një akt të dënueshëm terrorist”, të porositur sipas tij nga fraksione që duan të provokojnë tension.
Vlen të përmendet se Pasok dhe partitë e tjera të qendrës së majtë kanë paralajmëruar bashkimin e tyre në ditët e ardhshme dhe zgjedhjen e një kryetari të përbashkët, që do të drejtojë qendrën e majtë në zgjedhjet e ardhshme parlamentare.
Redaksia Online
a.dr/shqiptarja.com
![](https://www.shqiptarja.com/template/img/sh_logo1.png)