Greqi, tjetër shkëmbim zjarri mes
shqiptarëve të arratisur e policisë

NAFPAKTIA- Shqiptarët e arratisur nga burgu i Trikalas kanë arritur sërish t’u largohen policisë greke ndërkohë që po vijojnë një operacion në afërsi të Manastirit të Varnakovas për të kapur të arratisurit.
 
Mediat greke raportojnë se rreth orës 04:00 të mëngjesit të sotëm ka pasur sërish të shtëna mes shqiptarëve të arratisur dhe policisë greke në një postbllok në Nafpaktia. por nuk ka pasur të lënduar nga shkëmbimi i zjarrit.
 
Si pasojë e një përplasje me armë me policisë greke disa ditë më parë, shqiptarët e arratisur nga burgu i Trikalas kanë vrarë një polic dhe një shtetase greke.
 
Tetë shqiptarët u arratisën nga burgu i Trikalas në Greqi duke u gdhirë 23 marsi. Ishin 11 shqiptarë që arritën të dalin nga ambientet e burgut, por 3 prej tyre u kapën menjëherë.


(Foto: Tetë shqiptarët e arratisur nga burgu i Trikalas)

Redaksia Online
(e.s/shqiptarja.com)