POP 5

Lajmet më të lexuara të 5 minutave të fundit

Arkiva

Greqi, zhvillohen zgjedhjet vendore, 
votohet për Bashkitë e Guvernatorët 

Në Greqi po zhvillohen zgjedhjet vendore, ku rreth 9 milionë e 872 mijë grekë do të votojnë për të zgjedhur autoritetet lokale, kryetarët e bashkive, këshilltarët e tyre si dhe guvernatorët e 13 qarqeve të vendit bashkë me këshilltarët e tyre. VIDEO
Në Greqi po zhvillohen zgjedhjet vendore, ku rreth 9 milionë e 872 mijë grekë do të votojnë për të zgjedhur autoritetet lokale, kryetarët e bashkive, këshilltarët e tyre si dhe guvernatorët e 13 qarqeve të vendit bashkë me këshilltarët e tyre.
 
Prej orës 07:00 të mëngjesit grekët kanë shkuar drejt kutive të votimit në raundin e parë për të zgjedhur 325 kryetarë bashkie dhe këshilltarë nga 1441 formacione politike.
 
Zgjedhjet konsiderohen si test për kabinetin e Samaras, partia e të cilit, kërkon të mbizotërojë në rreth 7 prej 13 qarqeve të vendit, duke marrë votën e grekëve si një akt mbështetjeje për politikën e saj, me masat e rrepta të kursimit dhe reformat strukturore, të cilat ishin kusht për marrjen e ndihmës nga kreditorët e huaj, dhe qëndrimin e vendit brenda eurozonës.
 
Radikalët e majtë të partisë më të madhe opozitare SYRIZA kërkojnë ndryshimin e politikës qeveritare dhe presin që kandidatët e tyre të shkojnë në raundin e dytë, në të paktën 10 qarqe, me synim kryesor mbizotërimin në atë të Atikës, ku voton një e treta e zgjedhësve.
 
Ndërsa socialistët e PASOK-ut kërkojnë të riforcojnë pozitat e tyre, tashmë të humbura tej mase nga zgjedhjet e mëparshme, nën kritikat e shumta jo vetëm për bashkëqeverisjen me konservatorët, por edhe për largimin e tyre nga vija politike, që kanë pasur në të kaluarën.
 
Qendra e votimit do të mbyllen në orën 19:00 ndërsa rezultatet e Exit-Polleve pritet të dalin rreth orës 23:00, sepse listat zgjedhore janë 10% më shumë në raport me 2010-n, ndërsa qendra e votimit janë pakësuar në të njëjtën masë.

Redaksia Online
(a.h/shqiptarja.com)

/Shqiptarja.com
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53