Greqia ka dërguar ditën e sotme dy avionë, të cilët kanë nisur ndërhyrjen për shuarjen e zjarreve në Dropull dhe Finiq.

Avionët janë të llojit Canadair dhe do të asistojnë për të shuar flakët që kanë rënë që prej dy ditësh në këto dy zona.

Këte e ka bërë me dije ministri i Mbrojtjes në rrjetet sociale, Niko Peleshi,ndërsa ka shprehur mirnjohje për gaditshmërinë nga Greqia.  

"Avionët grekë vijnë si mbështetje për Shqipërinë nëpërmjet Mekanizmit Europian të Mbrojtjes Civile dhe bashkohen me përpjekjet e Forcave tona të Armatosura, zjarrfikësve, personelit të emergjencës civile dhe strukturave lokale që kanë luftuar flakët atje prej 2 ditësh. Mirënjohje për gatishmërinë e treguar për t'i sjellë avionë qeverisë italiane dhe asaj kroate", shkruan ai.

Ndërkohë, vatrat e zjarrit janë riaktivizuar në fshatrat Lugar dhe Grapsh në Bashkinë Dropull.

Për shuarjen e tyre po punojne 2 avionët e ardhur nga Greqia, ndërsa forcat zjarrëfikëse të Dropullit janë në gatishmëri të ndërhyjnë nëse flakët avancojnë në zonën urbane.

Bashkia e Dropullit ka qenë nën kërcënimin e zjarreve gjatë dy ditëve të fundit.

Rendit zhvillimet sipas orarit:
Ora 14:04
Gjirokastër/ Zjarr në fshatin Humelicë, dyshohet i qëllimshëm! Forcat zjarrfikëse në ‘luftë’ me flakët

Një zjarr i madh ka rënë në një parcelë të mbjellë me grurë në fshatin Humelicë të Gjirokastrës. Për pasojë është shkrumbuar i gjithë prodhimi i pakorrur. Sipas informacioneve paraprake zjarri është i vënë qëllimisht.

Në vendngjarje kanë shkuar forcat zjarrfikëse të cilat kanë arritur ta vendosin nën kontroll situatën, në mënyrë që flakët mos të përhapen në parcelat e mbjellë me dru frutorë dhe arrore.

Ndërkaq policia po punon për kapjen e zjarrvënësit.

Xh.K/Shqiptarja.com