/ATSH-AFP/ - Qeveria greke nuk do të pranojë ultimatum, por do të mbajë angazhimin e saj për gjetjen e një zgjidhjeje të përbashkët të dobishme me partnerët evropianë nëpërmjet vazhdimit të negociatave, theksoi sot një burim qeveritar grek pas dështimit të eurogrupit.
"Qeveria greke është e vendosur të respektojë mandatin popullor dhe historinë e demokracisë në Evropë", theksoi i njëjti burim.
Greqia dhe partnerët evropianë të zonës euro ndërprenë diskutimet dje në mbrëmje, pasi programi i propozuar për grekët i referohej vazhdimit të programit aktual të ndihmës nga BE.