POP 5

Lajmet më të lexuara të 5 minutave të fundit

Sport

'Griezmann do na vërë në vështirësi', Reja: Ja çfarë do bëjmë kundër Francës

Trajneri italian Edy Reja ka folur për mundësitë që ka Shqipëria në këtë sfidë dhe për mënyrën se si do e trajtojë ai dhe Franca

'Griezmann do na vërë në vështirësi', Reja: Ja çfarë do bëjmë kundër Francës

Konferenca për shtyp e Edy Rejas për ndeshjen me Francën

Francë- Nesër Shqipëria luan përballë kampionave të botës në Saint Denis të Parisit dhe Edy Reja tregon një pjesë të planit të ti jpër këtë sfidë. Në konferencën e sotme për shtyp në Francë, tekniku italian theksoi se lojtari i cili do ta vendosë në vështirësi është Griezmann, pasi sipas Rejas ai mund të të vendosë në vështirësi nga hiçi.

"Franca ka shumë cilësi. Një prej tyre, Griezmann është futbollist i cili shfrytëzon çdo hapësirë dhe mund të na vendosë në vështirësi dhe nga hiçi. Lojtarët e mi duhet të bëjnë sa më pak gabime dhe t'i lënë sa më pak hapësira lojtarëve kundërshtarë. Do të na duhet të dyfishojmë markimin. Shumë shpejtësi dhe agresivitet në markim. Po ashtu duhet t'i rrëmbejmë topin sa më shpejt. Ne e dimë që do të jetë e vështirë por do mundohemi të dalim me pikë."-  tha trajneri Reja.


Përsa i përket kolegut të tij tek Franca, Edy Reja u shpreh se trajnerin e 'Gjelave', Didier Deschamps e ka mik. 

"Për Deschamps kam respekt pasi e kam mik. Unë e di që ai do të dojë që lojën ta bëjë skuadra e tij, jo sipas taktikave të mia. Jam i sigurt se ai nuk do të rrezikojë me lojtarët e tij, por do të kërkojë një ekuilibër në lojë. Ata janë shumë të rrezikshëm në kundërsulm dhe shfrytëzojnë hapësirat e ngushta."- shtoi Reja.

Kombëtarja shqiptare e futbollist nesër luan përballë Francës, në stadiumin kombëtar të gjelave. Ndeshja është e vlefshme për eleminatoret e Europianit 2020. Franca ndodhet në vendin e parë në grupin H me 9 pikë ku ndan kreun bashkë me Turqinë dhe Islandën ndërsa Shqipëria në vend të 4-t me 6 pikë. Hera e fundit kur dy skuadrat janë ndeshur, ka qenë në Europianin 2016 ku Franca mposhti Shqipërinë në Stade de Marseille me dy gola në fund të Antoine Griezmann dhe Dimitri Payet. Por para Europianit, Shqipëria i barazoi 'Gjelat' në Rennes në 2014 ndërsa i mundën në Elbasan Arena me një gol të Kaçës në 2015.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

26 Dhjetor, 08:46