POP 5

Lajmet më të lexuara të 5 minutave të fundit

Shëndeti

Gripi mbush urgjencën e Fierit, mjeku: S’ka vend për panik! Ja masat që duhet të merrni

Me 150 vizita në ditë, urgjenca e Fierit po përballet me fluks pacientësh, prekur nga gripi dhe virozat. Bluzat e bardha kërkojnë që qytetarët të paraqiten tek mjeku i familjes nëse shfaqin temperaturë e koll. Ndërsa të sëmurët kronikë mund të kenë komplikacione nga gripi ndaj rekomandohet vizita në spital.

1250 vizita janë shënuar në 10-ditëshin e parë të janarit pranë Urgjencës së Spitalit Rajonal Fier, duke shënuar rritje të ndjeshme krahasuar me muajin e mëparshëm. Mjeku i Urgjencës, Blendi Dhespollari tha se gripi e virozat mund të trajtohen në kushte shtëpie, ndaj u bëri thirrje qytetarëve të paraqiten pranë mjekut të familjes për simptomat e lehta.

“Aktualisht situata paraqitet e rënduar, sepse kemi shumë raste me grip, deri në 150 vizita në 24 orë. Pjesa më e madhe janë me temperaturë e lartë, dhimbje muskujsh, dhimbje trupi, etc. Me këto shenja paraqiten pacientet. Ajo që ne duam është që një pjesë e mirë e këtyre pacienteve që kanë shenja të lehta të paraqiten pranë mjeku të familjes. Vetem ata që kanë sëmundje bashkëshoqeruese, si zemra, diabeti, etc duhet të vijnë në urgjencë”, tha Blendi Dhespollari, mjek.

Ne kushtet kur virozat dhe gripi sezonal janë ne pikun e tyre, mjeket kërkojnë marrjen e masave parandaluese si shmangien e mjediseve te mbipopulluara përdorimin e lëngjeve, ushqim te shëndetshëm si dhe shmangien e kontakteve nga personat e prekur nga gripi. Po kështu vaksina e gripit është mënyra më e mirë për tu mbrojtur dhe këshillohet sidomos për të sëmurët kronikë dhe të moshuarit.

“Ajo që ne këshillojmë është qendrimi në ambiente të ajrosura, evitimi i lokaleve. Përdorimi i lëngjeve, paracematol dhe ibupufron. Kemi raste që janë shtruar në spital, mosha mbi 50-vjeç shtrohen  sepse ata që kanë sëmundje të tjera dhe gripi e rëndon situatën”, thotë ai.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu