Gropa karstike, fenomen karakteristik i Dumresë, banorët: Është bllokuar rruga, rrezikojnë banesat

Në fshatin Cestije të bashkisë Belsh në lagjen Fejzullah, ka ndodhur një fenomen natyror, një fundosje e tokës e cila ka ndodhur në rrugën e kësaj lagjes.

"Lagjja është e bllokuar pa rrugë, shteti të vijë të mbushë gropën, të vendosë bazamentin. Ndjehemi të rrezikuar ja ku është shtëpia këtu 15 metra. Dëgjuam zhurmë dhe dilte avull. Për të kaluar duket ti biem rrotull, s'ka rrugë", thanë banorët

Kjo gropë karstike me thellësi 12 metra është një fenomen natyror për zonën e Dumresë për shkak të përbërjes gëlqerore të tokës.

"Në zonën tonë të gjitha gropat janë fenomene karstike. Edhe liqenet në zonën e Dumresë kanë ardhur si rezultat i këtij fenomeni. Zona jonë përbëhet nga shkëmbinj gëlqerore dhe gipsi, krijojnë boshllëqe në vende të ndryshme dhe kur pesha është e madhe krijohen këto hinka. Në vitin 1998 në Fierzë pati një fundosje më përmasa më të mëdha. këtu ka ndodhur në rrugë, do zërë vend vete duke humbur thellësinë".

Gropa do të rimbushet me dhe, thotë agronomi Shefqet Hysa, por gjithsesi është e nevojshme ekspertiza gjeologjike.

"Ekspertë të gjeologjisë të vijnë të shohin dhe të merren masa të mos vihen në rrezik banorët".

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Reforma territoriale, mendoni se ndarja aktuale në 61 bashki është në rregull?



×

Lajmi i fundit

I shtrirë në tokë dhe me duart pas shpinës, momenti i arrestimit të një prej autorëve të Masakrës së Çolës, Ani Begajt

I shtrirë në tokë dhe me duart pas shpinës, momenti i arrestimit të një prej autorëve të Masakrës së Çolës, Ani Begajt