Bejlere Plaka, e cila mbeti e plagosur gjatë sulmit me armë në banesën e saj në Vidhisht të Roskovecit, ndodhet ende në sallën e operacionit. Sipas informacioneve, 55 vjeçarja ka pësuar dëmtime të shumta në pjesën e barkut dhe po merr ndihmë të specializuar mjekësore. Gjendja e saj mbetet e rëndë.

Plaka mbeti e plagosur mëngjesin e së premtes në banesën e saj në fshatin Vidhisht të Roskovecit, ku 35-vjeçari Refit (Nertil) Buzi dyshohet se vrau me armë gjahu ish-vjehrrin e tij, Kosta Plakun. Pas ngjarjes, ai dyshohet se mori me forcë ish-të dashurën, Rozalinda Plakun, të cilën e liroi disa orë më vonë, ndërsa forcat RENEA e rrethuan dhe nisën negociatat për dorëzimin e tij. 24-vjeçarja, e cila u mbajt peng ndodhet aktualisht në ambientet e Drejtorisë Vendore të Policisë Fier, ku po merret në pyetje nga grupi hetimor.


Lajmi kryesor:

Roskovec/ 35-vjeçari vret me armë gjahu ish-vjehrrin dhe plagos ish-vjehrrën! Liron pas disa orësh ish-gruan e marrë peng! I rrethuar nga Renea ngujohet në makinë (EMRAT+VIDEO)