POP 5

Lajmet më të lexuara të 5 minutave të fundit

Kronikë

Grupi Balfin,risi në fushën e burimeve
njerëzore e promovimin e punonjësve

Projekti më i ri për punonjësit – “Identifikimi i talenteve të reja”. Ky projekt mundëson idenifikimin e të gjithë atyre punonjësve që kanë aftësi drejtuese duke krijuar lidershipin e ri të Grupit.

Grupi Balfin,risi në fushën e burimeve<br />njerëzore e promovimin e punonjësve
Projekti më i ri për punonjësit – “Identifikimi i talenteve të reja”. Ky projekt mundëson idenifikimin e të gjithë atyre punonjësve që kanë aftësi drejtuese duke krijuar lidershipin e ri të Grupit.

Grupi Balfin është punëdhënësi më i madh privat në tregun e punës në Shqipëri përsa i përket numrit të punonjësve të punësuar në këtë Grup, si dhe spektrit të gjerë të sektorëve të industrisë dhe investimeve që ky Grup mbulon.

Dimesioni i shumëllojshëm i industrive që ky Grup ka, krijon potencialin për një gamë të gjerë të pozicioneve të punës dhe një organogramë institucionale të plotë me shumë profile profesionesh dhe pozicionesh pune.

Në shoqëritë e ndryshme të Grupit Balfin gjejnë veten punëkërkuesit në fushën e retail, të ndërtimit, të industrisë së rëndë/të minierës, tregtisë, turizmit, bujqësisë, logjistikës dhe transportit si dhe profesionistët e administratës drejtuese të një korporate.

Pikërisht dinamika e Grupit dhe numri i madh i punonjësve vendos gjithmonë përpara Grupit sfidën e përmirësimit dhe krijimit të kushteve të nevojshme dhe të përshtatshme për avancim për punonjësit e saj. Si rezultat, drejtuesit e Grupit Balfin sigurohen që pjesë e rëndësishme e strategjisë të jetë strategjia e Burimeve Njerëzore.

Nëpërmjet kësaj strategjie merren masat për sigurimin e punonjësve të kualifikuar, të cilët kanë dhe ndajnë vlerat e Grupit, kanë dëshirë dhe motivim për tu zhvilluar profesionalisht. Kështu në këtë mënyrë punonjës me të tilla tipare janë për Grupin tonë një bazë e fortë dhe e qëndrueshme që siguron mbarëvajtjen e biznesit dhe performancën e lartë të tij.

Punonjësit nga ana tjetër, duke patur vëmendjen e drejtuesve për zhvillimin e tyre, arrijnë të plotësojnë objektivat personale për avancim në karrierë duke u ngritur në pozicione më të larta dhe e cila gjithashtu shoqërohet me një paketë përfitimesh me të larta sipas kategorive. Njëkohësisht punonjësit duke ndjerë përkujdesjen dhe vëmendjen e Grupit janë të motivuar për të dhënë maksimumin në realizimin e detyrave të tyre sipas pritshmërive.

Në Grupin Balfin çdo punonjës është një ambasador për zhvillimin e biznesit pasi me kontributin e tij në punën direkte, qëndrimin e tij profesional brenda dhe jashtë ambienteve të punës përfaqëson dhe transmeton vlerat që mbart Grupi.

Për të gjithë ata punonjës që tregojnë devotshmëri në punë, performancë të lartë, cilësi dhe potencial për zhvillim, Balfin ofron plane konkrete zhvillimi duke bërë të mundur orientimin e duhur të tyre për arritjen e objektivave. Në këtë mënyrë çdonjëri prej punonjësve punon dhe kontribuon në fushën e tij të ekspertizës dhe në ambientin që i përshtatet më mirë aftësive dhe cilësive që ai përfaqëson.

Një mjet për arritjen e këtij objektivi është projekti më i ri i Grupit që është “Identifikimi i talenteve të reja”. Ky projekt synon të bëjë të mundur idenifikimin e të gjithë atyre punonjësve që kanë aftësi drejtuese. Këto talente brenda Grupit i nënshtrohen trajnimeve të ndryshme teknike dhe manaxheriale të cilat përmirësojnë aftësitë e tyre dhe i përgatisin këta punonjës për të ushtruar detyrën e drejtuesit në çdo moment që do të jetë nevoja dhe shihet si e arsyeshme që ata të marrin në dorë drejtimin e njërës prej shoqërive të Grupit.

Trajnimi i punonjësve, si një nga pikat kryesore për zhvillimin e tyre por dhe për sigurimin e cilësisë së tyre të punës, realizohet nëpërmjet qendrës së trajnimeve. Kjo qendër trajnimi bashkon ekspertë të shoqërive tona, profesorë dhe teknicienë në fushën akademike si dhe trajnues profesionistë nga brenda dhe jashtë Shqipërisë.

Ky projekt do bëjë të mundur që Balfin të sigurojë drejtues të përgatitur brenda strukturave të saj por gjithashtu si punëdhënësi më i madh në vend që luan një rol të rëndësishëm në tregun e punës do sjellë rritjen e pritshmërive dhe cilësinë e profesionistëve jo vetëm strukturave të Grupit por për të gjithë sipërmarrjen në Shqipëri.

Nga ana tjetër punonjësit duke u rritur nga ana profesionale sigurojnë karrierën e tyre dhe njëkohësisht rrisin performancën e tyre në punë e cila është e njejtë me pritshmëritë e Grupit.

Balfin Group si Grupi më inovator në Shqipëri, ofron koncepte dhe ide Risi edhe në fushën e burimeve njerëzore duke ndikuar drejtpërdrejtë në tregun e punës dhe në ekonominë në Shqipëri.

Grupi Balfin, është grupi më i madh i investimeve në Shqipëri dhe një nga më të mëdhenjtë në rajon. Portofli i bizneseve përfshin aktivitete në fushën e tregtisë me pakicë, ndërtimit, menaxhimit të qendrave tregtare, menaxhimit dhe zhvillimit të pronave, minierave, turizmit, bujqësisë me kompani lider në tregjet respektive si Neptun, Jumbo, TEG, QTU, AlbChrome, Mane TCI, AgroCon Albania, Vala Mar Residences, Green Coast, Fashion Group etj.
 
Redaksia Online
(F.T/shqiptarja.com)
 

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjendet trupi i rabinit të zhdukur Zvi Khogan, ministri izraelit i Mbrojtjes: Terrorizëm antisemitik

Gjendet trupi i rabinit të zhdukur Zvi Khogan, ministri izraelit i Mbrojtjes: Terrorizëm antisemitik

24 Nëntor, 09:30