POP 5

Lajmet më të lexuara të 5 minutave të fundit

Kronikë

Grupi Mane merr me 100
lekë/m2 plazhe në Palasë e Lalz

Qeveria i ka dhënë “OK” edhe lejimit të përdorimit të bregdetit dy projekteve turistike që do të zhvillohen nga Balfin Group përkatësish në Himarë dhe në Gjirin e Lalzit.
Ditën e mërkurë qeveria i ka dhënë “OK” edhe lejimit të përdorimit të bregdetit dy projekteve turistike që do të zhvillohen nga Balfin Group përkatësish në Himarë dhe në Gjirin e Lalzit. Vlera e investimeve e parashikuar për këto dy projekte është rreth 78 milionë euro. Më saktësisht rreth 52 milionë euro për projektin e “Green Coast” që do të ndërtohet në Himarë (Palasë) dhe rreth 26 milionë euro për projektin “New Born” që do të ndërtohet në Gjirin e Lalëzit (Hamallaj).

Në fakt, në Green Coast Resort do të ndërtohen 152 objekte që përmbajnë mbi 300 njësi banimi (vila, apartamente dhe një hotel).
Për Neë Born, konsorciumi ka filluar ndërtimin e të paktën dy resorteve turistike. Projekti parashikon krijimin e një destinacioni turistik dhe rekreativ, ku objektet do të jenë të tipit multi-familjare dhe vila.

Por këtu ka një non-sens. Qeveria nuk mund t’u japë bregdetin në përdorim privatëve, në zona ku janë ndërtuar vila apo resorte në pjesën më të madhe të një investimi me karakter turistik. Praktikisht, ato vila janë të blera nga qytetarë dhe lejimi nuk shërben për të thither apo joshur turistë të huaj, që do të rritnin të ardhurat e shtetit shqiptar. Në këtë rast të fundit, ligji për investimet strategjike e lejon dhënien e lehtësive nga shteti. Dhe kurrsesi nuk mund të jepet leja për shfrytëzim të plazheve në pjesën më të bukur të bregdetit shqiptar duke paguar një shumë qesharake prej vetëm 100 lekësh të reja, siç ka lejuar qeveria.

Ja se çfarë parashikojnë vendimet për të dy resortet.

“Lejimi i përdorimit të brigjeve të detit dhe të zonës përkatëse në funksion të realizimit të projektit investues strategjik “Neë Born” Palasë dhe “Green Coast” Hamallaj, gjiri i Lalëzit, të cilët kanë përfituar statusin e investimit strategjik. Afati për përdorimin e brigjeve, sipas këtij vendimi, të jetë 20 vite duke filluar nga data e hyrjes në fuqi të këtij vendimi.

Përdorimi i brigjeve do të kryhet përgjatë periudhës së sezonit veror 15 maj – 30 shtator të çdo viti, përkundrejt pagesës së tarifës 100 lekë/m2 në muaj nga ana e investitorit strategjik, përgjatë periudhës së përmendur në këtë pike”.

E drejta e përdorimit të brigjeve i jepet investitorit strategjik “Mane TCI”.

Redaksia Online
XH.K/shqiptarja.com

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50