Mediat turke raportojnë se është gjenerali Adem Huduti, i cili ka lindur në Kosovë në vitin 1952, dhe është komandant i Ushtrisë së Dytë, pjesë e Këmbësorisë së Forcave të Armatosura të Turqisë.
Gjithashtu BBC shkruan se ai është figura më e lartë ushtarake e arrestuar deri më tani, së bashku me Akin Ozturk, me të njëjtën gradë, por në pension.
Huduti, i lindur në Kosovë në vitin 1952 ka emigruar në Turqi dhe në vitin 1973 është diplomuar në Akademinë Ushtarake.
Ai ka shërbyer në Divizionin III të këmbësoris në kufi me Greqinë, në Brigadën VII të këmbësorisë në kufi me Rusinë dhe ka marrë pjesë në Korpusin IX të Ushtrisë Turke.
Ndër të tjera në vitin 2014 Huditi u gradua gjeneral-lejtnant dhe u emërua në të ashtuquajturën Ushtria e Dytë, që është formacioni më i madh i këmbësorisë së Forcave të Armatosura të Turqisë.
Pas sulmeve të 11 shtatorit kundër kullave binjake në SHBA gjenerali shkoi në Afganistan dhe ka drejtuar trupat turke në Kabul.
Redaksia Online
(M.Ç/shqiptarja.com)