Grushti i shtetit, Turqia i kërkon
SHBA ekstradimin e Fethullah Gulen
Dosja zyrtare ju dërgua Washingtonit

Ankaraja nuk ndalet në vendimet e saj, ndaj dhe i ka dërguar Washingtonit dosjen ku pretendon se ka prova të mjaftueshme ku vërtetohet përfshirja e imamit Fetullah Gulen në përgatitjen e grushtit të Shtetit dhe ku kërkohet ekstradimi i tij. Sipas Turqisë imami i cili jeton në azil në Pensilvani është regjisori i vërtetë i puçit dhe prej vitesh ka pasur të infiltruar në ushtri.

Ndërsa presidenti Erdogan i është rikthyer mbështetësve të tij duke sulmuar imamin Fetullah Gulen. Ai deklaroi këtë mëngjes se është gati ta rivendosë dënimin me vdekje, nëse populli e dëshiron një gjë të tillë. “Nuk mund të bëhet veshi shurdh përpara kërkesave të popullit. A mos vallë Amerika vetë nuk e ka dënimin me vdekje. Apo Rusia? Apo Kina? Apo shtete të tjera anembanë botës? Të vetmet që nuk e kanë dënimin kapital janë vendet e Bashkimit Europian”, tha Erdogan. 

Ndërsa për një intervistë për CNN Erdogan u shpreh se ka shpëtuar për mrekulli pasi nëse do të qëndronte 15 minuta më shumë ne Marmaris do të kapej dhe do të vritej. Ndërkohë pavarsisht presionit të BE dhe SHBA ne vend vijojnë përndjekjet, deri me tani janë arrestuar më shumë se 9300 persona mes tyre edhe keshilltari i presidentit, 13 mijë zyrtarë të larguar,8 mijë policë të shkarkuar cka sipas komisionerit Hahn ishte një listë e paracaktuar dhe e paramenduar.

— FethiyeKoca (@FthyKc) July 19, 2016

Redaksia Online
Al.N/Shqiptarja.com