TIRANE - Në pjesën e dytë të intervistës për gazetën “Shqiptarja.com”, Marjan Gryka ish-truproja e Liderit të Dhjetorit Azem Hajdari, njëherësh dhe kryetar i shoqatës me të njëjtin emër, akuzon ish-kryeministrin Sali Berisha se ka në plan destabilizimin e vendit para zgjedhjeve vendore.

Sipas tij, edhe nëse nuk arrin t’i destabilizojë, ai do të bëjë “kurban” kreun aktual të PD Lulzim Basha për humbjen e sigurt që e pret opozitën në zgjedhjet e 21 qershorit të këtij viti.