ITALI-Prokuroria e Torinos ka hapur një dosje për 'mashtrim financiar' ndaj 3 prej figurave më të lartë të klubit të famshëm të futbollit evropian Juventus. Klubi tashmë është nën hetim penal. Financuesit e Njësisë së Policisë Ekonomiko-Financiare të Torinos u udhëzuan të gjenin dokumentacion dhe elementë të tjerë të dobishëm në lidhje me pasqyrat financiare të korporatave të miratuara në vitet 2019-2021, si për blerjen ashtu edhe për shitjen e të drejtave të kartonit të lojtarëve, për performancën sportive të lojtarëve, dhe formimin e rregullt të pasqyrave financiare.
Presidenti Anjeli, zëvendëspresidenti Nevded si dhe ish-administratori Paratiçi, tashmë i ikur te Totenhem janë nën akuzë zyrtare.
Guardia Di Finanza ka zbarkuar në zyrat e Juventus. Autoritetet kanë sekuestruar dokumente që kanë lidhje me lëvizjet në merkato të torinezëve. Prokuroria e Torinos ka nisur procedimin zyrtar, pasi Juventusi akuzohet për plusvalenca me transferime fiktive për të rregulluar bilancet.
Dyshohet për lëvizje që kapin shumën 50 milionë euro, të gjitha lëvizje fiktive duke fryrë vlerat e tyre në merkato për të rregulluar bilancet e në teori duke krijuar mashtrim financiar pasi Juventusi është shoqëri aksionere. Kjo nuk është hera e parë që klubi bardhezi vihet përballë hetimeve për plusvalenca, por në rastet e mëparshme, Prokuroria e kishte pasur shumë të vështirë të ngrinte akuza pasi nuk mund të vërtetonte koston reale të futbollistëve të transferuar me shifra shumë shpesh jashtë normales edhe për emra të panjohur apo lojtarë akademie.
Dokumenti i prokurorisë së Torinos
Janë 42 transferimet që ka bërë Juventusi që janë në lupën e Prokurorisë së Torinos ku më i famshmi është shkëmbimi Pjanic-Arthur mes Juventusit dhe Barcelonës.
Por në listën e hetimeve është edhe transferimi i dy futbollistëve shqiptarë që janë afruar nga Juventusi në ekip dhe janë në pronësi të klubit Bardhezi. Bëhet fjalë për transferimin e sulmuesit Giacomo Vrioni nga Sampdoria për tek Juventusi për shumën e 2.88 mln euro. Vrioni që aktualisht luan si i huazuar tek Tirol në Austri ka qënë më shumë pjesë e Juventus Under 23. Por do të hetohet edhe transferimi i Albian Hajdarit futbollistit me origjinë kosovare nga Bazel tek Juventus për shumën e 4 mln eurove.
Pra mes 42 transferimeve të dyshimta që ka bëre Juventusi dhe që po hetohen nga Prokuroria janë edhe transferimet e dy futbollistëve shqiptarë Vrioni dhe Hajdari.
Juventusi rrezikon nga gjobë deri në penalizim me pikë./ Përgatiti Andi Kapxhiu
Lajme të tjera
-
Itali/ U kap duke shitur kokainë, 29-vjeçari shqiptar lirohet pasi pranoi akuzën, dënohet me kusht (EMRI)
24 Dhjetor, 15:54 -
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48 -
Itali/ Do trafikonin 2 kg kokainë, arrestohen shqiptari dhe italiani! U sekuestrohen edhe hashash e valutë
21 Dhjetor, 21:42
