Nga Donald Trump dhe aleatët e tij republikanë është përfolur se do të ishte e pamundur që të realizohej sulmi i Rusisë ndaj Ukrainës,nëse ata nuk do të ishin larguar nga zyrat e tyre.
"Mos bëni gabim, megjithëse, atëherë Rusia nuk do të kishte guxuar të aneksonte një centimetër territor nëse do të isha në Shtëpinë e Bardhë," këto ishin fjalët që i tha Trump turmës gjatë një fjalimi në Karolinën e Jugut gjatë fundjavës.
"Në fakt, ata kurrë nuk e bënë këtë kur isha unë në Shtëpinë e Bardhë", shtoi ai.
Në kohën ku po përflitet pamundësia e sulmit ndaj Ukrainës nëse Trump do të ishte rizgjedhur sërish president, edhe Eric Trump, djali i ish-presidentit Donald Trump u shpreh për 'FOX News' se Putin ka qenë pjesë e KGB-së dhe kështu ai mundet të 'lexojë' mendjen e njerëzve e në këtë mënyrë ka kuptuar që Trump ishte një njeri i fortë. Sipas tij Putin i ka bërë një analizë psikologjike babit të tij e për këtë arsye nuk ka mundur të pushtoj Ukrainën.
Analiza që Eric ka bërë rreth kësaj çështje ka qenë pre e kritikave dhe talljeve duke e cilësuar atë si qesharake edhe pse kohë më parë dhe në mënyrë të ngjashme pas një samiti në Slloveni në qershor 2001, ish-presidenti Bush tha për Putin: “E pashë atë njeri në sy. E pashë atë shumë të drejtpërdrejtë dhe të besueshëm. Ne patëm një dialog shumë të mirë. Unë arrita të kuptoja shpirtin e tij, një njeri thellësisht i përkushtuar ndaj vendit të tij dhe interesave më të mira të vendit të tij". Kjo deklaratë e Bush, sikurse dhe ajo që Eric, është cilësuar në rrjet si qesharake.
Ndërkohë, John Bolton, i cili ka shërbyer si këshilltar i Donald Trump për sigurinë kombëtare, tha kohët e fundit në një podcast se Putini mund të ketë pritur për të pushtuar Ukrainën sepse mendonte se Trump do të tërhiqte Shtetet e Bashkuara nga NATO nëse ai rizgjidhej, gjë që bie në kundërshtim me idenë e Eric mbi analizë psikologjike.
Plus, po të merren parasysh edhe ato që fliten për Rusinë dhe Trump, domethënë se Rusia punoi në mënyrë aktive për të ndërhyrë në zgjedhjet e 2016 për të ndihmuar Trumpin, gjë që e bën të ditur në raport edhe këshilltari special Robert Mueller, deklarata e tyre bëhen edhe më të pakuptimta.
"Së pari, një ent rus kreu një fushatë në mediat sociale që favorizonte kandidatin presidencial Donald J. Trump dhe nënçmonte kandidaten presidenciale Hillary Clinton. Së dyti, një shërbim inteligjent rus kreu operacione të ndërhyrjes kompjuterike kundër subjekteve, punonjësve dhe vullnetarëve që punonin në fushatën e Clinton dhe më pas publikoi dokumente të vjedhura. Hetimi gjithashtu identifikoi lidhje të shumta midis qeverisë ruse dhe fushatës Trump", thuhej në raport.
E në bazë të këtyre fakteve e bëhet qesharake teza e përsëritur shpesh nga Trump se "askush" nuk ishte më i ashpër se ai për Rusinë. Dhe kjo e bën po aq qesharake këmbënguljen e Eric Trump se Putini e dinte se babai i tij ishte "një person shumë i fortë.”
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
VIDEO/ Mirlind Daku shënon dy gola në Rusi, ia dedikon Martinit: Ai shndrit parajsën
23 Nëntor, 22:43 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Kryediplomati i ardhshëm amerikan, Marco Rubio dhe politika e jashtme
23 Nëntor, 18:05 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20
