Hacker-i i Scarlett
Jam i pafajshëm

Christofer Chaney nga Jacksonville në Florida, hacker-i i llogarisë së email-it të aktores Scarlett Johansson, përballet me 26 akuza, duke përfshirë këtu edhe piraterinë informatike.

Nëse deklarohet fajtor i të 26 akuzave, hacker-i mund të dënohet deri në 121 vite burg. Gjyqi ndaj Chaney nis në dhjetor të këtij viti.

Johansson ka thënë në intervistën e organizuar nga revista Vanity Fair se fotot ishin për ish-burrin e saj Ryan Reynolds. “Nuk ka asgjë të keqe me këtë,” tha aktorja gjatë intervistës. “Nuk është njëlloj me regjistrimin e një video pornografike.”

Pasi fotot u bënë publike në muajin shtator, aktorja deklaroi për CNN se shkelja e privatësisë së saj është e “padrejtë”.

Gjyqi ndaj Channey nis në datë 27 dhjetor në Kaliforni. Gjykatësi hodhi poshtë kërkesat e përkurorisë dhe kërkoi që i akuzuari të paguaj 110 mijë dollarë dhe të mbahet në arrest shtëpie deri në fillimin e procesit.

35 vjecari u arrestua pas një hetimit një vjecar të koduar “Operation Hackerazzi”, mbi piraterinë ndaj personazheve të spektaklit

Nga hetimi u zbuluan 50 viktima të piratëve, ndër të cilët edhe Scarlet Johansson dhe Mila Kunis.

Chaney kishte arritur të merrte fotot nga llogaria e Johansson duke gjetur password-in e email-it të aktores.

Sipas autoriteteve Cheney ofroi materialet e vjedhura blog-eve të ndryshme, por nuk ka asnjë provë për përfitime ekonomike prej skemës.