Raporti i shumëpritur i Komisionit Europian për progresin e Maqedonisë e ktheu vendin në rrugën drejt anëtarësimit në Bashkimin Europian.
Komisioneri për Zgjerim dhe Politikat e Fqinjësisë së Bashkimit Europian, Johannes Hahn, dhe përfaqësuesja e lartë e BE-së, Federica Mogherini, u dorëzuan autoriteteve të Shkupit progres-raportin e Komisionit Europian.
“Vendi dhe qytetarët e merituan rekomandimin e pakushtëzuar. Anëtaret e BE-së e njohën punën e realizuar. Këtu jam që të jap lajmet e mira të shumëpritura, për ta shënuar suksesin pas angazhimeve të gjata për tejkalimin e krizës”, theksoi eurokomisioneri europian, Hahn në dorëzimin e raportit të KE-së për progresin e Maqedonisë, kryeministrit Zoran Zaev.
Hahn përshëndeti angazhimin e autoriteteve për realizimin e reformave të nevojshme që i mundësuan Maqedonisë marrjen e rekomandimit për çeljen e negociatave për anëtarësim në BE.
“Maqedonia ndodhet tashmë në rrugën europiane dhe ka bërë ndryshime pozitive”, theksoi HaHn.
Eurokomisioneri HaHn theksoi se ishte optimist se Maqedonia dhe Greqia do të gjenin një zgjidhje sa më të shpejtë për kontestin e emrit dhe se nevojitet të arrijnë marrëveshje që do t’u shërbejnë interesave të dy palëve.
Kryeministri Zoran Zaev nuk e fshehu kënaqësinë për këtë vendim të Komisionit duke e cilësuar këtë si një moment të rëndësishëm që i detyron të vazhdojnë punën e deritanishme.
Kryeministri Zaev theksoi se marrja e rekomandimit është një motiv i fortë për arritjen e objektivit të vështirë, por të arritshëm, fillimin e negociatave për anëtarësim në BE.
“Do të punojmë edhe më energjikisht që në qershor të marrim datën për negociatat. Vazhdojmë me reformat thelbësore edhe pas Planit 3-6-9 do të konfirmojmë një plan të ri të reformave”, theksoi Zaev.
Maqedonia gjatë vitit të kaluar bëri progres në përmbushjen e kritereve politike, ekonomike dhe demokratike, vlerëson Komisioni Evropian në raportprogresin e vendit në bazë të së cilit rekomandoi që të fillojnë negociatat për anëtarësimin e saj në BE.
Lajme të tjera
-
Demush Shasha: Testi i vitit 2025
12 Dhjetor, 08:54
-
Këshillit të BE-së i kërkohet që ta shqyrtojë aplikimin e Kosovës për anëtarësim
10 Dhjetor, 16:11 -
Belgjikë, ish-Komisioneri i BE-së për drejtësinë hetohet për mashtrim financiar
4 Dhjetor, 18:19 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Komisioni Xhafaj/ Lançohet strategjia ndërsektoriale kundër korrupsionit! Gonzato: SPAK po e ndëshkon, s’është nevoja të shpikim rrotën! Pirdeni: Shtrirje kapilare!
4 Nëntor, 22:31 -
Lufta kundër migracionit të paligjshëm/ Von der Leyen letër vendeve të BE: Të krijojmë qendra të ngjashme si ato të marrëveshjes Itali-Shqipëri
15 Tetor, 07:34 -
EUROPOL: Personi i arrestuar në Kosovë për para të falsifikuara, punonjës i MPB-së maqedonase
6 Gusht, 13:48 -
BE po vëzhgon masat e Meta-s për të luftuar dezinformimin për zgjedhjet
28 Maj, 13:00 -
2 milionë predha në vit, BE afro 2 miliardë euro për Industrinë e Mbrojtjes
17 Mars, 10:48 -
Sot shpalli zyrtarisht kandidaturën, Von der Leyen premton mbështetje për zgjerimin nëse rizgjidhet në krye të KE-së
21 Shkurt, 15:29 -
Mynih/ Rama në zyrat e Tik Tok, takon numrin 2 të kompanisë: Folëm për ngjarjet në Shqipëri dhe nevojën për rritjen e vigjilencës ndaj dhunës online
16 Shkurt, 17:25 -
Progres Raporti i KE/ Ndihmë financiare 6 miliardë euro për periudhën 2024-2027, Von der Leyen dhe Varhelyi: I japim shtysë Ballkanit Perëndimor
8 Nëntor 2023, 14:19
