Kështu është shprehur sot Komisioneri i Bashkimit Evropian për zgjerim dhe fqinjësi të mirë, Johannes Hahn.
Siç raportojnë edhe mediat kosovare, Johannes Hahn e ka bërë këtë deklaratë në një intervistë për Radion Evropa e Lirë, ku ka thënë se rekomandimin pozitiv do ta marrin vendet që i kanë plotësuar kriteret, standardet e përcaktuara nga Komisioni Evropian.
“Duhet të jemi të qartë. Ne në Komisionin Evropian i trajtojmë të gjithë në mënyrë të barabartë. Kjo nënkupton se kemi metodologjinë e aplikimit të njëjtë, ta zëmë, si për Ukrainën, Gjeorgjinë, apo edhe për Kosovën. Po ashtu, njësoj do të veprohet me Turqinë”, ka thënë Hahn.
“Por, përparimi varet edhe nga vendi ynë partner se sa shpejtë lëvizë përpara me përmbushjen e kritereve. Në këtë aspekt, duhet të potencohet se nuk ka lëshime për Turqinë, që nënkupton të marrë diçka më lirë se të tjerët”, është shprehur Hahn.
Pritet që Kosova të marrë rekomandimin pozitiv për liberalizimin e vizave këtë të mërkurë nga vendet anëtare të BE ku qytetarët do të mund të lëvizin lirshëm në vendet e shengenit.
Redaksia Online
(F.T/shqiptarja.com)
