Ndërkohë grupi i quajtur “Për Maqedoninë e Bashkuar”, i cili është një grup që mbështet partinë e ish-kryeministrit, Nikola Gruevski, ka bërë thirrje për protest para zyrës së misionit të BE në Shkup gjatë vizitës së komisionerit të BE-së.
Drejtues të gupit janë shprehur se dëshirojnë që me anë të protestës t’i japin “një mesazh të qartë” komisionerit, për sa i përket formimit të qeverisë së re.
Tre partitë shqiptare, të cilat kanë mbështetur liderin socialdemokrat, Zoran Zaev, për të formuar qeverinë e re, kanë kërkuar që gjuha shqipe të bëhet gjuha e dytë zytare. Ndërkohë drejtues të grupit “Për Maqedoninë e Bashkuar”, janë shprehur se bërja e shqipes gjuhë zyrtare në të gjithë territorin e vendit, do të shkatërronte unitetin e Maqedonisë.
Ndërkohë presidenti maqedonas, Ivanov, ka refuzuar që t’ia jap mandatin Zaevit për të formuar qeverinë, duke e argumentuar vendimin e tij se çështja e gjuhës shqipe është përpjekje për të shkatërruar pavarësinë e Maqedonisë.
Redaksia Online
D.T/Shqiptarja.com
