POP 5

Lajmet më të lexuara të 5 minutave të fundit

Bota

Hakerat kinezë synuan të marrin të dhëna nga telefonat e Donald Trumpit dhe JD Vance

Hakerat kinezë që ndërhynë në sistemin e kompanisë së telekomunikacionit Verizon, synuan të marrin të dhëna nga telefonat e përdorur nga kandidati republikan për president Donald Trump dhe kandidati i përzgjedhur prej tij për postin e Nën Presidentit, JD Vance, raporti Gazeta New York Times të premten, duke cituar burime që kanë dijeni mbi çështjen.

Hakerat kinezë synuan të marrin të dhëna nga telefonat e Donald Trumpit dhe JD Vance

Donald Trump dhe JD Vance

Hakerat kinezë që ndërhynë në sistemin e kompanisë së telekomunikacionit Verizon, synuan të marrin të dhëna nga telefonat e përdorur nga kandidati republikan për president Donald Trump dhe kandidati i përzgjedhur prej tij për postin e Nën Presidentit, JD Vance, raporti Gazeta New York Times të premten, duke cituar burime që kanë dijeni mbi çështjen.

Gazeta tha se hetuesit po përpiqen të përcaktojnë nëse janë marrë informacione dhe nëse po, për çfarë komunikimesh bëhet fjalë.

Fushata e kandidatit Trump u vu këtë javë në dijeni se ish-Presidenti Trump dhe JD Vance ishin në mesin e një sërë individësh brenda dhe jashtë qeverisë, numrat e telefonit të të cilëve ishin objektiv përmes infiltrimit në sistemet telefonike të kompanisë Verizon VZ.N, shkruan gazeta.

Ekipi i fushatës nuk konfirmoi se telefonat e zotit Trump dhe zotit Vance ishin në shënjestër.

Përmes një deklarate, zëdhënësi Steven Cheung kritikoi zonjën Harris duke thënë se ajo kishte inkurajuar Kinën dhe Iranin të sulmonin infrastrukturën amerikane me qëllim për të penguar rikthimin e Donald Trumpit në krye të Shtëpisë së Bardhë.

Ambasada e Kinës në Uashington dhe fushata e kandidates Harris nuk iu përgjigj një kërkese për koment.

Fushata e republikanit Trump ishte objektiv i e një sulmi kibernetik më herët gjatë këtij viti. Departamenti Amerikan i Drejtësisë ngriti padi ndaj tre anëtarëve të Korpusit të Gardës Revolucionare të Iranit për sulmin duke i akuzuar ata për përpjekje për të prishur zgjedhjet e 5 nëntorit.

FBI-ja dhe Agjencia Amerikane e Sigurisë Kibernetike dhe Infrastrukturës thanë të premten se po hetonin mbi qasjen e paautorizuar në infrastrukturën e telekomunikacionit nga njerëz të lidhur me Kinën. Deklarata e përbashkët e agjencive nuk përmendi se cilët ishin objektivët.

Kompania Verizon tha se ishte në dijeni të një përpjekjeje të sofistikuar për të shënjestruar kompanitë amerikane të telekomunikacionit dhe se po bashkëpunonte me forcat e rendit./ VOA

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça