Halit Barani, dëshmitari i
krimeve të luftës në Mitrovicë

MITROVICE - Për secilin krim në rajonin e Mitrovicës, Halit Barani ka informacione. I ka sistemuar dhe zhvilluar për organet e ndjekjes penale. Disa prej tyre tashmë janë pjesë e akuzave. Të dyshuar për krime kanë dalë para drejtësisë.
 
Nuk mendon gjatë kur i kërkohen informacione për raste veç e veç. I çon duart prej tastierës së kompjuterit teksa rrëfen dëshmitë e mbledhura. Kreh me dy gishtat e të dy duarve mjekrën e thinjur para se të përshkruante aktivitetin e tij, shkruan Koha Ditore.
 
Poshtë xhamit të tavolinës ka broshura arti e posterë me slogane për mbrojtjen e të drejtave të njeriut.  Sipër tij ka një mori librash me dëshmi për aktivitetet e Qendrës Rajonale në Mitrovicë të Këshillit për Mbrojtjen e të Drejtave dhe Lirive të Njeriut (KMDLNJ).
 
Dosjet ngjyrë të kuqe e të kaltër janë vendosur në vitrinën në anën e djathtë të zyrës së vogël të Baranit.
 
Redaksia online
(ac/shqiptarja.com)