Receta

Hallvë me arra nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 14 Nëntor, 11:57 | Përditesimi: 14 Nëntor, 12:01

Hallvë me arra

Përbërësit:

300 gr miell
100 gr gjalpë
50 ml vaj
300 gr sheqer
600 ml ujë të nxehtë
Arra ose bajame

Përgatitja:

LEXO EDHE:
Kulaç i ngrohtë e i përsosur me djathë nga zonja Albana

Në një enë hedhim gjalpë dhe vaj bashkë, presim sa të tretet gjalpi, shtojmë arrat e thyera, i kaurdisim derisa të lëshojnë aromën, shtojmë miellin dhe e përziejmë mirë me lugë. Kërkon një përzierje të gjatë, derisa mielli të marri ngjyrën e artë. Shtojmë ujin gradualisht dhe në momentin që mielli fillon dhe krijon atë masën e butë, shtojmë sheqer, vazhdimisht e përziejmë, duke shtuar ujin masa masa. Në fund shtojmë edhe pak gjalpë dhe në momentin që masa shkëputet nga tigani, e punojmë edhe 10 minuta. Formën e vendosim në një filxhan, duke e lyer me vaj dhe duke e kthyer në pjatë ose mund t'a shërbejmë lugë -lugë.