Drejtoresha e Institutit të Sigurimeve të Kujdesit Shëndetësor (ISKSH), Elvana Hana, tha se kontratat e reja, që Këshilli Administrativ i Institutit të Sigurimeve të Kujdesit Shëndetësor miratoi me Qendrat Shëndetësore për vitin 2012, synojnë konsolidimin dhe menaxhimin tyre.

"Kontratat e vitit 2012 me Qendrat Shëndetësore i kushtojnë vëmendje elementëve të konsolidimit të menaxhimit të qendrës shëndetësore, si një entitet publik përgjegjës për shërbimin ndaj popullatës që është regjistruar pranë Qendrës Shëndetësore", tha Hana në një konferencë shtypi.

Menaxhimi i regjistrit elektronik të pacientëve do të jetë përgjegjësi e qendrës, e cila do të përditësojë të dhënat e pacientëve.