Në prag të 7 marsit, shkolla 9-vjeçare “Skënder Libohova”, në Lushnjë, njëkohësisht shkolla më e madhe e ciklit fillor në qytet, hapi dyert për 700 nxënësit dhe mësuesit e saj, me infrastrukturë të transformuar.

Për ta inspektuar ka qenë Kryeministri Edi Rama së bashku me Ministren e Arsimit dhe Sporteve Ogerta Manastirliu dhe Kryetaren e Bashkisë së Lushnjës Eriselda Sefa të cilët u ndalën për të vizituar mjediset e reja të shkollës.

“Kjo është shkolla e rikonstruktuar “Skënder Libohova”, që ka një kapacitet mbi 600 nxënës, dhe ku falë investimit të Ministrisë së Arsimit dhe bashkisë Lushnje tashmë është në kushtet më të mira dhe me standardet më të larta, klasa të shtuara.” – u shpreh Ministrja Manastirliu, teksa stoi se synimi është që shkolla të kthehet në një qendër komunitare.

Ndërsa Kryetarja e Bashkisë së Lushnjës tha se me shtesën e re të godinës është eliminuar edhe mësimi me turne.

“Kjo shkollë është ndërtuar në vitin 1960, ndërkohë që në këto vite kishte marrë vetën një lyerje dhe asgjë lloj rikonstruksioni. Duke qenë shkolla më e madhe e ciklit fillor, mësimin e zhvillonte pasdite, duke qenë se nuk i përmbushte kapacitetet si godinë. Ne me projektin e ri kemi bërë një shtesë të godinës nga 200 metër katrorë për secilin kat dhe në total shkon 851 metër katrorë për secilin kat të kësaj shkolle”.

Gjatë inspektimit të terreneve sportive kryeministri Rama është ndalur te fusha e basketbollit ku ka bërë dhe një kosh.

"E rindërtuar me standardet më të mira bashkëkohore, kapacitete të shtuara, bibliotekë, laboratorë të rinj e terrene sportive moderne, kjo shkollë siguron kushtet më të mira për 700 nxënës dhe mësues", shkruan Rama.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Shkurt, 08:56

    A është vlerësim për Shqipërinë pjesëmarrja në Bordin e Paqes?

Lajme të tjera