Testi i praktikës për të marrë lejen e drejtimit, nuk do të bëhet më nga autoshkollat në rrugë informale të Tiranës, por në një vend të posaçëm dhe i monitoruar plotësisht nga kamerat e sigurisë.
Është hapur Poligonin e Testimit Praktik, një vend i dedikuar për të gjithë kandidatë që kërkojnë të pajisen me leje drejtimi.
Poligoni është ngritur në zonën e Fushë Prezës në Tiranë, dhe kryhen 124 testime në ditë, ndërkohë që në një vit arrihet në 130 mijë testime.
Sipas drejtorit të ri të DPSHTRR, Ilir Mëngra kryerja e testimit në këtë hapësirë ofron më shumë standarde dhe rrit transparencën në vlerësimin e praktikantëve.
“Përpara se të vinim tek kjo pistës që është Poligoni i Testimit Praktik për leje drejtimi dhe Qendra Edukative Digjitale e Simulimeve Virtuale ne kemi pasur vështirësi shumë të mëdha përsa i përket testimit praktik në fazën e parkimit. Për arsye se nuk kishte një pistë ne ishim të detyruar të drejtoheshim nëpër ambiente informale në Tiranë”, tha Mëngra duke shtuar se investimi i realizuar shtrihet në një pistë rreth 6 mijë metra katrorë, me fonde të përballura nga buxheti i DPSHTRR.
Kandidatët e 111 autoshkolla, të regjistruara në DRSHTRR Tiranë do të testohen pranë këtij poligoni.
