POP 5

Lajmet më të lexuara të 5 minutave të fundit

Ekonomi

Hapet tenderi 74.1 mln lekë për projektin e autobusëve elektrikë! Pilotimi nis në Tiranë, Durrës dhe Vlorë

Brenda këtij viti pritet të nisë projekti pilot për urbanët elektrik në vend, dhe që do të zhvillohet në bashkitë Tiranë, Durrës dhe Vlorë. Tenderi është hapur nga Agjencia e Eficencës së Energjisë në vlerën e 74.1 milionë lekësh.

Nuk do jetë e largët koha kur në Tiranë transporti publik të bëhet me urbanë elektrikë. Agjencia e Eficencës së Energjisë ka hapur tenderin me vlerën 74.1 milionë lekësh, për të hartuar projekt-idenë për Elektrifikimin e linjave të transportit  në Bashkitë Tiranë, Vlorë, Durrës, që do të zhvillohet me faza.

“Ky projekt synon dhe trajnimin, ngritjen e kapaciteteve për operimin dhe menaxhimit e sistemit të transportit elektrik”, thuhet në dokumentet e tenderit.

Kalimi në një sistem të ri, do të thotë më pak ndotje, reduktim të varësisë nga lëndët djegëse fosile si dhe ulje të kostove të operimit në vend.

“Elektrifikimi i transportit rrugor do të kontribuojë në mënyrë domethënëse në përmirësimin e cilësisë së ajrit nga njëra anë dhe mbrojtjen e klimës nga ana tjetër vetëm nëse përdorimi i elektricitetit vjen nga burime me karbon të ulët/ pa karbon (panele diellore, era, hidrike, gjeotermale)”, thuhet në studim.

Një fazë e rëndësishme e projektit, është infrastruktura e karikimit, jo vetëm ë pikat e mbushjes por edhe në shtëpi ose në punë, në zona parkimi publik apo komercial (dyqane, zona pushimi në autostradë).

“Autobusi elektrik për funksionimin ndër-urban do të ketë nevojë ose për një “depo” më të madhe të energjisë e cila karikohet në stacionin fundor ose për një depo më të vogël të energjisë që ngarkohet në varësi të mundësisë, në stacione autobusi”, thuhet në studim.

Kompanitë e interesuara do të kenë afat deri më 29 janar të këtij viti për të marrë pjesë në garë dhe nga momenti i nënshkrimit të kontratës  do kenë 9 muaj kohë për të ofruar këtë shërbim. Synimi është që deri në vitin 2030, pritet që flota e autobusëve të kalojë në elektrik.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eri: 21/01/2021 17:05

    Ala jan rruget e tiranes me gropa

    Përgjigju
  • Renzo: 21/01/2021 16:41

    Ore bëj Trotuare në çdo lagje për këmbësorë,shtro gropat e rrugëve,e vendos limit shpejtësie për makina + me barriera stopuese, në lagje

    Përgjigju
  • Loku: 21/01/2021 16:37

    Edhe mos lini te futemi me makine ne korsite e autobusit, se na eshte bere normale. Aq pak korsi sa ka

    Përgjigju
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Nuk do shkojë në burg, por Trump do dënohet! Gjykatësi shpall vendimin më 10 janar

Nuk do shkojë në burg, por Trump do dënohet! Gjykatësi shpall vendimin më 10 janar

4 Janar, 07:22