Sekretari i Përgjithshëm i Partisë Demokratike, Gazment Bardhi, thotë se kryeministri Edi Rama nuk e ka hallin te qytetarët, por është i trembur nga ndryshimi që po vjen.

Në një postim në Facebook, Bardhi ka publikuar deklaratat e Gjiknurit, në lidhje me listat zgjedhore, që sipas tij janë të kundërta.

Sipas Bardhit, Rama e ka hallin te një grusht oligarkësh.

Postimi i Bardhit në Facebook

‘‘Edi Rama nuk ka hallin e qytetarëve që sot i ka braktisur të vetëm përballë virusit dhe i ka zhytur në krizën më të thellë ekonomike të 20 viteve të fundit.

Ky frikacak i tmerruar nga zgjedhjet dhe nga ndryshimi i pandalshëm që po vjen, ka vetëm hallin e tij dhe të një grushti oligarkësh e kriminelësh që e sollën dhe e mbajnë në pushtet.

Dëgjojeni me zë dhe me figurë përgjigjen, nga vetë përfaqësuesi i Edi Ramës kur vetëm javë më parë kërkonte që sistemi dhe listat mos të ndryshonin.”