POP 5

Lajmet më të lexuara të 5 minutave të fundit

Ekonomi

Harrohet tragjedia, Delijorgji
i Gerdecit merr leje për pallat

Këshilli Kombëtar i Territorit i jep leje për të ndërtuar një pallat 9 katësh në rrugën e "Kavajës".Dy vite më parë Delijorgji doli nga burgu. U dënua për tragjedinë e Gërdecit ku vdiqën 26 persona.shqiptarja.com zbulon faksimilen e vendimit të KKT ku shkruhet se më datë 9 shtator 215 Këshilli  vendosi miratimin e Lejes së Ndërtimit për ‘Godinë banimi dhe shërbimesh 9 kat mbi tokë 2 kat parkim nën tokë’, me vendndodhje në Rrugën e Kavajës, Bashkia e Tiranës, me subjekt kërkues ‘Parc Construction’shpk’”. 
PDF/Ekstrakti në QKR i Kompanisë 
PDF/Vendimi për lejen e ndërtimit
TIRANE- Vetëm dy vjet pas daljes nga burgu, Mihal Delijorgji, një prej shkaktarëve kryesorë të tragjedisë së shpërthimit të fabrikës së demontimit të armëve në mars të vitit 2008 në Gërdec, është shfaqur përsëri në skenën e biznesit të madh, përmes një ndërtimi luksoz në Rrugën e Kavajës.

Ndërsa prej 2 vjetësh ka pezulluar thuajse tërësisht dhënien e lejeve të ndërtimit, më datë 9 shtator 215 “Këshilli Kombëtar i Territori vendosi miratimin e Lejes së Ndërtimit për ‘Godinë banimi dhe shërbimesh 9 kat mbi tokë 2 kat parkim nën tokë’, me vendndodhje në Rrugën e Kavajës, Bashkia e Tiranës, me subjekt kërkues ‘Parc Construction’shpk’”. 
Shoqëria është themeluar në vitin 2005 nga Mihal Delijorgji, me aksionerë dy kompani të regjistruara vende “offshore”, dhe që prej vitit 2008 administrihet nga bashkëshortja e biznesmenit, Vjollca Delijorgji.

Parajsat fiskale
Nga të dhënat e Qendrës Kombëtare të Regjistrimit rezulton se “Parc Construction Sh.p.k.”, nuk e ka ndërprerë për asnjë çast aktivitetin, edhe pas hyrjes në burg të Mihal Delijorgjit, në vitin 2008. Ashtu si në çastin e themelimit, aksionerë të saj rezultojnë dy shoqëri të regjistruara në vende të njohura si parajsa fiskale, përkatësisht në Ishujt Britanikë të Virxhinias dhe në Liberi. Pjesa më e madhe e aksioneve të shoqërisë (51%) zotërohet nga “MANDALAY GROUP HOLDINGS CORP”, një kompani e regjistruar në shtator të vitit 2004 në British Virgin Islands.

Kompania rezulton e regjistruar në emër të shtetasve me kombësi greke Georgios Joannidis (Drejtor i vetëm) dhe Aikaterini Donta. Ndërkohë që kompania tjetër, “BRAMMER VENTURES CO.LTD”, rezulton e regjistruar në emër të Mihal Delijorgjit (ortak i vetëm) në Liberi më 11 mars të vitit 2005. Në qershor të vitit 2013, QKR ka regjistruar si ortak të vetëm të “BRAMMER VENTURES CO.LTD”, Kristo Delijorgji, vëllanë e biznesmenit të njohur, por ky ndryshim nuk shoqërohet më dokumentin përkatës nga Liberia, ku vazhdon të jetë e regjistruar kompania.

Lejet e ndërtimit
Leja e dhënë për llogari të “Parc Construction Sh.p.k.”, vjen në një moment kur prej dy vjetësh Qeveria mban thuajse të bllokuar procesin e dhënieve të lejeve të ndërtimit. Qeveria e ka argumentuar bllokimin e tyre me domosdoshmërinë për të normalizuar tregun e ndërtimit, si dhe korrupsionin e bërë me to. Ndërkohë që në gusht 2015, ishte Bashkia e Tiranës ajo që mori vendimin për të bllokuar për një vit lejet e ndërtimit, si dhe verifikimin e lejeve të dhëna nga ish-kreu i saj Lulzim Basha.

Sipas kreut të ri të Bashkisë së kryeqytetit, lejet do të mbeten të bllokuara deri në përfundimin e planit të ri urbanistik për kryeqytetin, i cili do të hartohet në bashkëpunim me Ministrinë e Zhvillimit Urban. Veliaj paralajmëroi gjithashtu edhe pezullimin e lejeve të firmosura nga paraardhësi i tij Lulzim Basha deri në verifikimin e tyre jo vetëm me procedurat ligjore, por edhe me planet zhvillimore të zonave ku ato janë dhënë.

faksimile
 


(Vendimi për regjistrimin për regjistrimin e shoqërisë tregtare "Park Constuction")



(Ekstrakti në QKR i kompanisë )


/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Francë/ Përplasen rëndë dy tramvaje në Strasburg, 30 të plagosur (VIDEO)

Francë/ Përplasen rëndë dy tramvaje në Strasburg, 30 të plagosur (VIDEO)

11 Janar, 16:44