Raketat ruse vijojnë të godasin pa pushim në ditën e dytë të pushtimit, 5 shqiptarë ende në Ukrainë! Ja qytetet në të cilët ndodhen

Raketat ruse vijojnë të godasin pa pushim në ditën e dytë të pushtimit, 5 shqiptarë ende në Ukrainë! Ja qytetet në të cilët ndodhen

Në ditën e dytë të luftës, pas sulmit nga Rusia, Report Tv mëson se në Ukrainë kanë mbetur edhe 5 qytetarë shqiptare, nga 11 që ishin në total. Shqiptarët që ndodhen atje, punojnë për OSBE-në ( Organizata për Siguri dhe Bashkëpunim në Evropë). Evakuimi i tyre do të bëhet në bashkëpunim me OSBE-në dhe në rast të zonave me rrezik do të diskutohet edhe me Rusinë. Shqiptarët ndodhen në Luhansk (zonë rebele), Mariupol/qarku Donetsk, Kramatorsk/qarku Donetsk, Kherson, Kharkiv.

Ministrja e Jashtme një ditë më parë tha se që para 10 ditësh u ka bërë thirrje për largim nga Ukraina, duke dhënë numrat e kontaktit të vënë në dospozicion. Xhaçka tha se janë në kontakt me OSBE për zbatimin e Planit te evakuimit dhe se janë në kontakt të vazhdueshëm për secilin prej të sekonduarve.

Sot në ditën e dytë të sulmit të Rusisë ndaj Ukrainës, Kievi është zgjuar me shpërthime të fuqishme. Numri i viktimave ka shkuar në 137 ushtarë ukrainas, dhe 316 të plagosur. Ndërkohë presidenti i Ukrainës, Zelensky thotë se kanë vrarë 800 ushtarë rusë. 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish-ministri i Shëndetësisë, Ilir Beqaj paraqitet në SPAK

Ish-ministri i Shëndetësisë, Ilir Beqaj paraqitet në SPAK