Kreu i PDK-së ka përfshirë për herë të parë prindërit dhe familjen (gruan dhe djalin) në fushatë. Që të gjithë ata kanë folur për bukurinë e fshatit Burojë dhe për të kaluarën e Thaçit.

“Ka qenë një djalë që nuk ka bërë probleme dhe që nuk e ka lëshuar kurrë librin nga dora”, kështu ka thënë babai i Hashim Thaçit, Haxhiu, në një klip që u shfaq në konventën e PDK-së ku Thaçi pritet të nominohet kandidat për kryeministër.

Thaçi njihet si një person që është kujdesur për kohë të gjatë që familja e tij të mbetet larg syrit të kamerave. Nuk është shumë e qartë se pse kësaj here ai vendosi t’i përfshijë ata në fushatë elektorale.

Marrë nga gazetaexpress

Redaksia Online
(a.h/shqiptarja.com)