POP 5

Lajmet më të lexuara të 5 minutave të fundit

Ekonomi

HEC-et me këste Ministri
Ridvan Bode shkel ligjin

Qeveria ka shkelur një nga klauzolat e marrëveshjes së miratuar nga Kuvendi për shitjen e katër HEC-eve kompanisë Kurum. Kjo e fundit ka paguar 57 milionë euro, nga një total prej 109 milionësh, nga do të zbritet edhe TVSH e prapambetur.
TIRANE - Qeveria ka shkelur një nga klauzolat e marrëveshjes së miratuar nga Kuvendi për shitjen e katër HEC-eve kompanisë Kurum. Kjo e fundit ka paguar 57 milionë euro, nga një total prej 109 milionësh, nga do të zbritet edhe TVSH e prapambetur.

E gjendur përballë presionit të blerësit dhe rrezikut për të dështuar në një tjetër privatizim strategjik, qeveria ka pranuar këto ditë kushtin e kompanisë turke, duke zbritur vlerën e TVSH-së së parimbursuar nga çmimi i privatizimit. Në total, Kurum do t’i njihet si pagesë një vlerë prej rreth 21 milionë eurosh TVSH e rimbursueshme. Kjo shifër e ul shumën që kompania turke do të derdhë direkt në arkën e shtetit në rreth 88 milionë euro.

Shlyerja e këstit të parë të pagesës për privatizimin e katër hidrocentraleve ka çuar drejt mbylljes së një procesi të gjatë dhe të vështirë privatizimi. Privatizimi u arrit pas katër raundesh të dështuara, çka detyroi qeverinë shqiptare që të ndryshonte kriteret e garës. Edhe pasi më në fund u arrit të gjendej një blerës te kompania turke Kurum, mbyllja me sukses e procesit u vendos në pikëpyetje. Kurum e kushtëzoi kryerjen e pagesës me rimbursimin e një shumë prej rreth 3 miliardë lekësh TVSH që qeveria shqiptare i detyrohet.

Kompania turke Kurum më në fund ka shlyer këstin e parë të vlerës së privatizimit të katër hidrocentraleve. Ka qenë ministri i Financave, Ridvan Bode, që deklaroi dje se katër ditë më parë Kurum ka paguar 57 milionë eurot e para, ndërsa pjesa e mbetur do të paguhet brenda dy javësh. Bode tha se të ardhurat nga privatizimi i HEC-eve do të shkojnë për të ulur deficitin buxhetor shtesë, që u krijua për të shlyer detyrimet e prapambetura ndaj bizneseve.

Por kreu i Financave la në harresë faktin se, në marrëveshjen e miratuar në Kuvend, thuhej se të gjitha pagesat do të bëhen të plota - “pa deduktim apo mbajtje shume e çfarëdolloji” - dhe se, në rast se ndonjera prej shumave nuk shlyhej në kohën e duhur, për çdo ditë tejkalim do të paguhet një kamatë të barabartë me normën euribor 3-mujor plus 3 për qind.

Shkrimi u botua sot në gazetën Shqiptarja.com (print) 17.05.2013

Redaksi Online
(b.m/shqiptarja.com)

/Shqiptarja.com
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Benfica-Barcelona vijoi edhe në tunel, policia ndaloi sherrin e dhunshëm! Fitorja e parë e Bologna-s shkarkoi trajnerin e Dortmund

Benfica-Barcelona vijoi edhe në tunel, policia ndaloi sherrin e dhunshëm! Fitorja e parë e Bologna-s shkarkoi trajnerin e Dortmund

22 Janar, 12:36