POP 5

Lajmet më të lexuara të 5 minutave të fundit

Arkiva

Henri VI, Shqipëria
prezantohet në Londë

Në 12 dhe 13 Maj 2012 Teatri Kombëtar Shqiptar do të jetë i pranishëm në Londër ku do të performojë “Henry VI” (pjesa e dytë) në shqip në skenën e teatrit “Globe”. Trupa shqiptare do të prezantohet si pjesë e festivalit “Globe to Globe”, me një nga 37 shfaqjet e Shekspirit që do të interpretohen në 37 gjuhë të ndryshme. (Në foto, Warwick, Henry VI, pjesa 1, Akti II, skena IV)
Në 12 dhe 13 Maj 2012 Teatri Kombëtar Shqiptar do të jetë i pranishëm në Londër ku do të performojë “Henry VI” (pjesa e dytë) në shqip në skenën e teatrit “Globe”. Trupa shqiptare do të prezantohet si pjesë e festivalit “Globe to Globe”, me një nga 37 shfaqjet e Shekspirit që do të interpretohen në 37 gjuhë të ndryshme.

“Shakespeare’s Globe” ndërkohë po kërkon një person që të ndihmojë në reklamimin e shfaqjes për komunitetin shqiptar në Angli dhe si shpërblim do t’i japë bileta falas dhe shpërblime të tjera, pa llogaritur që kjo do të jetë diçka e madhe për të qenë pjesë e saj dhe do të jetë shumë argëtuese. “Ne jemi duke rekrutuar vullnetarë për të na ndihmuar të shpërndajmë fjalën për këtë ngjarje”, shkruhet nga organizatorët e festivalit. Festivali Globe to Globe do të mbahet prej 21 Prill 2012 dhe për gjashtë javë rresht do të prezantojë në Globe Theatre të Shekspirit, një program shumëgjuhësh të veprave të autorit anglez. 37 kompani ndërkombëtare paraqesin nga një vepër të Shekspirit në festivalin që organizohet në kuadër të Lojërave Olimpike “Londër 2012”. Shfaqja e trupës së Teatrit Kombëtar është parashikuar në një sallë prej 150 vendesh. “Henri VI” do të luhet nga tri trupa ballkanike. Pjesa I nga Teatri Kombëtar i Beogradit, regjisor Nikita Mihajllovic dhe pjesa III nga Teatri Kombëtar i Bitolës, regjisor John Blondell. Për pjesën shqiptarë është zgjedhur regjisori Adonis Filipi. Sipas të dhënave nga Teatri Kombëtar, Filipi është zgjedhur nga Globe Theatre për “kontributin e spikatur në realizimet e tij artistike në një sërë trupash brenda e jashtë vendit në bashkëpunimet me autorë si R. Pulaha, R. Shabani, M. Kuteli, Allen, D. Motoc, E. Ionesko, Chehov, Williams, Sofokli, D. Mamet, etj. Pjesëmarrës në një sërë festivalesh nëpër botë si në Rusi, Itali, Turqi, Maqedoni, Bullgari, Mali Zi, Belgjikë, Rumani etj. Vlerësuar me çmime si brenda e jashtë vendit.” Pjesëmarrja e Shqipërisë në Globe to Globe konsiderohet e rëndësishme ndaj dhe mbështetet nga kryeministri Sali Berisha, bashkë me konkursin e dramës shqipe në kuadër të 100-vjetorit të pavarësisë.

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50