TIRANE - Hervin Çuli filloi emisionin e sotëm pas qëndrimit të djeshëm për tre orë në Komisariat. Këtë ngjarje duket se e ka marrë me sportivitet duke pohuar me humor se “më arrestuan pse i kundërshtova”.

Mirëpo ngjarjen e ka treguar me batuta duke thënë se nëse policia vepron kështu me të gjithë, domethënë që ka shtet dhe kjo ngjarje i është bërë mësim dhe “nuk do ta përsërisë më”.

Xhevair Zeneli nuk i kursen batutat e tij duke thënë se në këtë rajon mos të provojë më, por ka edhe 5 rajone të tjera.

Çuli ka një mëdyshje nëse policët e shoqëruan për shkak të kundërshtimit të tij apo se donin humor prej tij duke qenë se ata e pëlqenin ‘Paçen me Gazeta” dhe e ndiqnin çdo ditë.