TIRANE- “Tri motrat”, komedia romantike e Çehov, do të jetë premiera e parë e vitit 2016 në skenën e Teatrit Kombëtar. Komedia do të ngjitet në skenë me regjinë e Hervin Çulit, që është njëkohësisht edhe drejtor i institucionit. Çuli ka zgjedhur aktorët që kanë spikatur në premierat e mëparshme si Gladiola Harizaj me një rol kryesor e cila vjen pas suksesit me shfaqjen “Liri në Bremen” me regji të Sesilia Plasarit, por edhe aktorë të tjerë të spikatur si Anila Bisha, Bujar Asqeriu, Neritan Liçaj, Helidon Fino, Elia Zaharia dhe Gert Ferra.