POP 5

Lajmet më të lexuara të 5 minutave të fundit

Ekonomi

Hetimet e SPAK për pastrim parash me pronat ‘frenojnë’ rritjen e çmimeve të apartamenteve! Konsulenti: Hetimet pozitive

Rritja me 75% e hetimeve për pastrim parash nëpërmjet pasurive të paluajtshme po reflektohet edhe në treg. Sipas agjencive imobilare, rritja e çmimeve ka mbetur në stanjacion, tendencë që sipas bankës së Shqipërisë pritet të vijojë edhe më tej

“Pastrimi i parave të krimit të organizuar, investimet në pronat e paluajtshme, mbetet mënyra kryesor për pastrimin e parave në Shqipëri”, tha pak ditë më parë para deputetëve kreu i SPAK Altin Dumani.

Vjet numri i procedimeve të regjistruara për pastrim parash sipas SPAK është rritur me 75% në krahasim më vitin 2022.

Këto hetime të drejtësisë që kanë zbuluar një sërë skemash mashtrimi, evazioni apo abuzimi në disa sektorë, po ndikojnë edhe në tregun e pasurive të paluajtshme, duke sjellë një stanjacion në çmimet e apartamenteve, e duke ulur dozën e spekulimeve në treg.

“Hetimet, patjetër që ndikojnë dhe sa mirë që po ndodhin këto procese. Të ndahen një herë e mirë, të gjitha problematikat e mbartura ndër vite. Kemi ndërtues që nuk i kanë pajisur blerësit me certifikata pronësie, kemi ndërtues që kanë devijuar nga projektet, që i kanë lënë ndërtimet në mes në mënyrë skandaloze, dikush duhet të mbaj përgjegjësi për këtë punë”, thotë agjenti imobiliar.

Banka e Shqipërisë thotë se 64% e agjentëve imobiliare që janë pyetur për pritshmëritë për vitin 2024 parashikojnë që çmimet të jenë të qëndrueshme, 34% pohojnë se do të rritën dhe 2% presin ulje.

“Çmimet e apartamenteve në këtë periudhë janë në pikë të qëndrueshme, s’ka rritje, por nuk mund të flitet për ulje sepse rënia e euros e pamundëson një ulje të çmimeve”, thotë agjenti imobiliar.

Orgest Beti, pohon se zhvlerësimi i euros është faktor që po ndikon që çmimet të mos ulen, për shkak se shpenzimet e ndërtuesve për lëndë të parë e jo vetëm në fillim të ndërtimit janë me euro shumë më të fortë.

Faktorë që po i mban çmimet e larta është edhe kërkesa e lartë për prona.

“E kemi shumë të rëndësishëm raportin me pronën. Është kulturë që ta kemi një shtëpi, edhe shqiptarët e Kosovës, vitet e fundit e shikojnë Shqipërinë si mundësi të mirë banimi por edhe investimi, kryesisht në bregdet nga Durrësi në Ksamil. Prona është më e sigurta nga gjithë të tjerat për shkak të zhvillimit që Shqipëria ka”, pohon ai.

Por, impakt të madh po japin edhe shtetasit e huaj, që blejnë pa negociuar çmimin.

“Duke parë kërkesën e lartë, ndërtuesit dhe shitësit e apartamenteve kanë preferuar që mos ti ulin çmimet. Të huajt çmimet që ka Shqipëria i konsiderojnë të pranueshme, dhe kemi një rritje progresive të çmimit. Të huajt vijnë si vizitorë në fillim, dhe rikthehen si investitor”, thotë eksperti.

Banka e Shqipërisë thotë se afro 26% e pronave të shitura vjet u blenë nga të huajt, kryesisht nga vendet e BE.

K.T./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • edi: 02/11/2024 21:12

    realiteti eshte qe duhet nje amnisti fiskale. e bejne vende me te zhvilluara, pse te mos behet edhe ketu?

    Përgjigju
  • Prona: 24/05/2024 19:02

    Nqs Spak vazhdon me kete ritëm, flasim pas një viti se ku do shkojnë cmimet.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Planet e administratës Trump për t’i dhënë fund luftës në Gazë

Planet e administratës Trump për t’i dhënë fund luftës në Gazë

25 Dhjetor, 16:49