Hetimi i Spahiut, komisionin
dorëzon të hënën raportin
Komisioni kuvendor mbylli sot hetimet. Alibeaj: Të hënën çojmë raportin në Kuvend. Spahiu i parapriu raportit të hetimit duke dhënë dorëheqjen disa javë më parë.
TIRANË – Ditën e hënë në Kuvend do të publikohet raporti që komisioni kuvendor hetimor ka hartuar në një muaj për aktivitetin e ish zëvendëskryetarit të KLD, Kreshnik Spahiu. Komisioni, i drejtuar nga Enkelejd Alibeaj e në përbërje të të cilit ka vetëm deputetë demokratë ka zhvilluar sot mbledhjen e fundit, ku janë mbyllur hetimet. Alibeaj nuk ka dhënë detaje për gazetarët, por në përfundim të mbledhjes ka pohuar se raporti i plotë do t’i paraqitet deputetëve të hënën e ardhshme.
Deputetët demokratë të cilët firmosën ngritjen e komisionit, kishin si synim shkarkimin nga detyra të Kreshnik Spahiut për shkak, të asaj që sipas demokratëve ishte përdorim i postit zyrtar për qëllime partiake. Por, pak javë më parë, Spahiu dha dorëheqjen duke i paraprirë raportit, pas të cilit nuk dihet se çdo të ndodhë me nismën e mazhorancës.
DEKLARATA E KUVENDITKryetari i Komisionit, Enkelejd Alibeaj bëri të ditur se brenda afatit të përcaktuar në shkresën zyrtare që komisioni i ka drejtuar Këshillit të Lartë të Drejtësisë, si dhe Presidentit të Republikës si kryetar i këtij organi kushtetues, ka mbërritur pranë Protokollit të Kuvendit të Republikës së Shqipërisë një set i plotë aktesh dhe dokumentesh shkresore, që kanë të bëjnë me mënyrën e menaxhimit të fondeve financiare të Këshillit të Lartë të Drejtësisë për vitet 2009-2011.
“Janë dokumentet financiare të 2009, 2010, 2011, dhe kanë të bëjnë me dokumentin e lëvizjes së mjeteve monetare në valutë, në lekë, të lëvizjeve financiare në thesarin e shtetit, dokumentet që kanë të bëjnë me tenderat, prokurimet, në lidhje me karburantin, me blerjen e pajisjeve të telekomunikacionit, riparim automjeteve, etj” tha Alibeaj. Ai tha se aktualisht me marrjen e këtij dokumentacioni komisioni është drejt përfundimit të përmbushjes të planit të hetimit.
“Komisioni ka marrë të gjithë dokumentacionin shkresor të kërkuar me qëllim verifikimin e të gjithë tematikës dhe drejtimeve të hetimit, pasi ne riçelën hetimin, jemi në kushtet për të deklaruar përfundimin e hetimeve në bazë të ligjit për komisionet hetimore” u shpreh më tej Alibeaj. Në këto kushte u miratua propozimi për të deklaruar mbylljen e hetimit të veprimtarisë së komisionit hetimor.
Komisioni vendosi që ditën e hënë dt.27.02.2012, ora 11:30, të mblidhet për të miratuar raportin përfundimtar të veprimtarisë së tij hetimore.
(aq/shqiptarja.com)
Sondazhi i ditës:
Si do e drejtojë Kuvendin Elisa Spiropali krahasuar me Lindita Nikollën?
-
Më mirë
41.3%
-
Njësoj
21.6%
-
Më keq
37.1%
Vota total: 213
Votat totale janë unike
Lajme të tjera
-
SHBA/ Shqiptari në Majemi akuzohet se ka ngacmuar një vajzë 10 vjeçare në pishinë
31 Korrik, 22:40
-
'Albulena prita-prita'! Ilir Meta ‘shuan vapën’ në Ujëbardhën e Kurbinit, zhytet në ujë bashkë me disa të rinj (VIDEO)
31 Korrik, 22:34
-
SHBA, thirrje Venezuelës të bëjë sa më shpejt publike të dhënat e plota për zgjedhje
31 Korrik, 22:23
-
'Aktrim i dobët' para miratimit të Reformës Zgjedhore!
31 Korrik, 22:10
-
Mero Baze: Aty ku ka grekë nuk ka probleme
31 Korrik, 21:58
-
Kuvendi i Serbisë e miraton Deklaratën e “Kuvendit gjithëserb”
31 Korrik, 21:45
-
Rama ‘idhnoi’ opozitën, patriotët e ‘Detit’ dhe 'Kryqit të Artë grek’
31 Korrik, 21:18
-
Operacioni ‘Revanshi’/ Autoritetet në Dubai thonë se kanë ndaluar Marklen Hakën! Policia shqiptare i dërgon të dhënat biometrike
31 Korrik, 21:06
-
Grupi i PD-së: Jemi në një linjë me presidentin për mikrokreditë! Gjetjet t'ia dërgojë SPAK, të gatshëm për Komision të Posaçëm në Kuvend
31 Korrik, 21:02
-
Shpërthen zjarri në Romë në kodrën Monte Mario/ Flakët pranë studiove të Rai-t! Evakuohen disa banesa! U ndërpre transmetimi direkt
31 Korrik, 20:56
-
Dita e parë në detyrë përballë zjarreve/ Ministri Vëngu në fshatin Luzat të Tepelenës, shpëtohet një shtëpi nga flakët: Kemi kërkuar bashkëpunimin e banorëve
31 Korrik, 20:56
-
Veton Surroi: Akomodimi mendor me presidenten Harris
31 Korrik, 20:26