Prokurori i Përgjithshëm i SHBA-së Merrick Garland bëri të ditur më 18 nëntor se ka emëruar ish-prokurorin e Hagës për krime lufte, Jack Smith për të mbikëqyrur hetimet penale për mbajtjen e dokumenteve të klasifikuara në resortin Mar-a-Lago nga ana e ish-presidentit Donald Trump dhe mbi rolin e tij në trazirat e 6 janarit 2021, në Kongresin Amerikan.
Së fundmi, Jack Smith ka qenë kryeprokuror i Prokurorisë Speciale në Hagë që heton krimet që dyshohet se u kryen nga ish Ushtria Çlirimtare e Kosovës gjatë dhe pas luftës.
Ai ka dhënë dorëheqjen si kryeprokuror i gjykatës speciale në Hagë të ngarkuar me hetimin dhe gjykimin e krimeve të luftës në Kosovë.
Departamenti i Drejtësisë tha se kandidimi i ri i Trump për zgjedhjet e ardhshme presidenciale në SHBA, nxiti vendimin e Garland për të përdorur një avokat të specializuar.
Jack Smith, është prokuror veteran që drejtoi seksionin e integritetit publik të Departamentit të Drejtësisë në Uashington dhe më vonë shërbeu si kryeprokuror federal në Nashville, Tenesi, gjatë administratës së presidentit Barack Obama.
Në një deklaratë pas njoftimit, Smith u zotua të kryejë hetimet “në mënyrë të pavarur dhe në traditat më të mira të Departamentit të Drejtësisë.
Smith filloi karrierën e tij si ndihmës prokuror qarku në Zyrën e Prokurorit të Nju Jorkut në vitin 1994. Ai iu bashkua Distriktit Lindor të Nju Jorkut në vitin 1999 si ndihmës avokat i SHBA-së, ku ai ndoqi penalisht çështje duke përfshirë shkeljet e të drejtave civile dhe oficerët e policisë të vrarë nga bandat , sipas Departamentit të Drejtësisë.
Duke filluar nga viti 2008, ai punoi për Gjykatën Penale Ndërkombëtare dhe mbikëqyri hetimet e krimeve të luftës nën Zyrën e Prokurorit për dy vjet. Në vitin 2010, ai u bë shef i Seksionit të Integritetit Publik të Departamentit të Drejtësisë, ku mbikëqyri çështjet gjyqësore të rasteve të korrupsionit publik përpara se të emërohej ndihmësi i parë i avokatit të SHBA-së për Distriktin e Tenesit në 2015-n.
Ai u largua nga Departamenti i Drejtësisë në vitin 2017 pasi ishte prokuror në agjenci për më shumë se 16 vjet. Në vitin 2018, ai u bë kryeprokuror i gjykatës speciale në Hagë, ku hetoi krimet e luftës në Kosovë.
"Gjatë gjithë karrierës së tij, Jack Smith ka ndërtuar një reputacion si një prokuror i paanshëm dhe i vendosur, i cili udhëheq ekipet me energji dhe fokus për të ndjekur faktet kudo që të çojnë," tha Garland gjatë njoftimit të premten.
"Smith është zgjedhja e duhur për t'i përfunduar këto çështje në mënyrë të paanshme dhe urgjente.”/REL
Komente
Lajme të tjera
-
Blinken, Fidan diskutojnë për të ardhmen e Sirisë
28 Dhjetor, 20:51 -
Planet e administratës Trump mbi emigracionin
28 Dhjetor, 19:41 -
Çfarë po ndodh me Donald Trump dhe gruan e tij?
28 Dhjetor, 19:26 -
SHBA/ Afro-amerikani rrihet për vdekje nga gardianët e burgut në New York (VIDEO)
28 Dhjetor, 16:38 -
Kryetarit të Komunës së Strugës i konfiskohet pasaporta
28 Dhjetor, 15:34 -
Forbes: Pasuria e Trump u rrit me 3.6 miliardë dollarë
28 Dhjetor, 10:06 -
Theu rekordin e Mike Tyson, ndahet nga jeta në moshën 35-vjeçare boksieri Paul Bamba
28 Dhjetor, 10:05 -
SHBA: Rusia mund të jetë përgjegjëse për rrëzimin e aeroplanit të Azerbajxhanit
28 Dhjetor, 09:37 -
Donald Trump i kërkon Gjykatës së Lartë të shtyjë ndalimin e TikTok për të mundësuar një ‘zgjidhje politike’
28 Dhjetor, 08:27 -
Shtëpia ikonike e ‘I vetëm në shtëpi’ shitet për 5.2 milionë dollarë
27 Dhjetor, 21:45 -
'Trazirat politike në botë mund të sjellin telashe për ekonominë globale në 2025', analiza e CNN: Ja ndikimi i presidentit Trump
27 Dhjetor, 21:37 -
'Luftë civile' në kampin e Trump, të gjithë kundër Musk pasi i doli në krah emigrantëve të kualifikuar
27 Dhjetor, 21:22
