Grupi militant libanez, Hezbollah, ka hedhur “dhjetëra” raketa më 27 qershor drejt një baze ushtarake në veri të Izraelit, në kundërpërgjigje të një sulmi izraelit në Liban, që vrau një luftëtar të këtij grupi i cili mbështetet nga Irani.
Javëve të fundit është rritur frika për një luftë në shkallë të plotë mes Izraelit dhe Hezbollahut, teksa palët kanë intensifikuar kërcënimet.
Izraeli dhe Hezbollahu këmbejnë zjarr pothuajse në baza ditore në kufi që kur Hamasi – grupi palestinez i shpallur organizatë terroriste – sulmoi Izraelin, gjë që nxiti luftën në Rripin e Gazës.
Hezbollahu, aleat i Hamasit, tha se “në përgjigje të sulmeve të armikut që sulmuan qytetin Nabatije dhe fshatin Sohmor”, luftëtarët e tij bombarduan “bazën kryesore ajrore dhe të mbrojtjes ajrore të komandës veriore... me dhjetëra raketa të llojit Katyusha”.
Hezbollahu pretendoi se ka kryer edhe dy sulme të tjera ndaj trupave izraelite dhe pozicioneve të tyre, përfshirë edhe një sulm me dron, ndërkaq agjencia shtetërore e lajmeve në Liban raportoi se Izraeli ka kryer sulme në disa zona në jug të Libanit.
Ushtria izraelite tha përmes një deklarate se “afërsisht 35 lëshime nga Libani janë identifikuar”.
Mbrojtja ajrore “me sukses ka penguar shumicën e tyre. Nuk raportohet për ndonjë lëndim”, tha Izraeli.
Ndërkaq, përmes një njoftimi të ndarë, ushtria izraelite tha se “dy dronë u identifikuan nga Libani” që ranë në veri të Izraelit.
Hezbollahu tha të enjten se një luftëtar nga Sohmor, teksa u raportua se sulmi u krye me dron “nga armiku”.
Ushtria izraelite tha se një operativ i Hezbollahut “u eliminua” gjatë një operacioni në rajonin e Sohmorit, teksa raportoi se ka kryer sulme edhe në jug të Libanit.
Përderisa po vazhdojnë këmbimet e zjarrit, është rritur frika se lufta në Gazë mund të përhapet në rajon, nëse konflikti mes Izraelit dhe Hezbollahut, që deri më tani ka qenë i përqendruar në zonën kufitare, përhapet.
Që kur ka nisur dhuna në kufi, në Liban janë vrarë 482 persona, shumica luftëtarë, por po ashtu edhe 94 civilë. Ndërkaq, në anën izraelite janë vrarë të paktën 15 ushtarë dhe 11 civilë./ REL
Komente
Lajme të tjera
-
Gaza/ Foshnja e porsalindur vdes nga i ftohti natën e Krishtlindjes, ndërsa Izraeli e Hamasi debatojnë për armëpushim
26 Dhjetor, 14:00
-
Izraeli dhe Hamasi akuzojnë njëri-tjetrin për dështimin e një marrëveshjeje armëpushimi
25 Dhjetor, 16:57 -
Planet e administratës Trump për t’i dhënë fund luftës në Gazë
25 Dhjetor, 16:49 -
Krishtlindje lufte në Palestinë! Të krishterët në kërkim të shpresës, Betlehemi kthehet në një qytet të trishtuar
25 Dhjetor, 12:54 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 16:06 -
Izraeli kap një raketë nga Jemeni, u lëshua pas kërcënimit të ministrit izraelit
24 Dhjetor, 15:28 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 14:17 -
Izraeli pranon për herë të parë vrasjen e liderit të Hamasit, Haniyeh: Të njëjtin fat do ketë edhe udhëheqja e Houthis
24 Dhjetor, 07:21 -
Agjentët e Mossad-it zbulojnë detaje nga operacioni i shpërthimit të pajisjeve të komunikimit të Hezbollahut
23 Dhjetor, 16:45 -
Jemeni sulmon Izraelin me raketë, 16 të plagosur në Tel Aviv!
21 Dhjetor, 22:50 -
U kritikua nga ministri izraelit sepse kërkoi hetim për gjenocid, Papa Françesku: Bombardimet në Gaza janë mizori
21 Dhjetor, 15:46 -
Lufta në Rripin e Gazës/ Norvegjia refuzon të luajë ndaj Izraelit
19 Dhjetor, 13:32
