POP 5

Lajmet më të lexuara të 5 minutave të fundit

Sociale

Hidhen goglat, 198 familje bëhen me apartamente të reja por s’hyjnë dot brenda! Bashkia e Durrësit: Jemi në pritje të kolaudimit të pallateve

Lagjia e re e Spitallës në Durrës ka përfunduar por banorët e mbetur pa strehe prej termetit, ende nuk mund të hyjnë në apartamentet e reja. Numri dy i bashkisë tha se shkak për vonesën është kolaudimi i pallateve.

Në bashkinë e Durrësit, 198 familje të mbetura të pastreha nga tërmeti i 26 nëntorit 2019 përfituan sot apartamente të reja. Përzgjedhja u krye përmes një shorteu publik, të organizuar në sallën e teatrit “Aleksandër Moisiu”.

Familjet përfituese do të vendosen në apartamente 3+1, të ndërtuara në zonën e re të Spitallës, ku tashmë kanë përfunduar ndërtimi i 996 njësive të banimit.

Ky është shorteu i tretë i rëndësishëm për ndarjen e apartamenteve, pas atyre të realizuara në muajt gusht dhe shtator nga bashkia e Durrësit. Edhe pse kanë kaluar 4 muaj nga shortetë e mëparshme ende 500 familje nuk kanë hyrë në banesat e reja, pasi nuk është kryer kolaudimi i kompleksit.

Gentian Kallmi, Nënkryetari i Bashkisë Durrës tha se “Në Spitallë është duke përfunduar procesi i kolaudimit. Sapo punimet të jenë dorëzuar bashkë me çelësat, bashkia do të procedojë me shpërndarjen. Bashkia ka rolin e përfituesit, jo të zhvilluesit, dhe procesi varet nga firma që po kryen punimet.”

Ky shorte i sotëm nuk do të jetë i fundit për familjet e pastreha në Durrës.

“Sot janë trajtuar të gjithë përfituesit e miratuar nga Këshilli Bashkiak, por procesi i rindërtimit vazhdon. Ka ende raste në shqyrtim dhe, nëse do të ketë përfitues të rinj, do të organizohet një tjetër shorte”, tha ai më tej.

Lagjja e re në Spitallë u ndërtua nga Fondi Shqiptar i Zhvillimit me financim të Princit të Kurorës së Emirateve Arabe dhe Qeverisë Shqiptare. Me përfundimin e kolaudimit në këtë lagje me 996 apartamente do banojnë rreth 4000 mijë qytetarë që humbën shtëpite e tyre nga termeti shkatërrimtar.

R.D/A.A/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Akuzat se drejtohen nga PS, flet Kulluri i 'Djathtas 1912': Nuk komentoj marrëzitë e Berishës! Nxori edhe presidentin e SHBA të shitur te Rama

Akuzat se drejtohen nga PS, flet Kulluri i 'Djathtas 1912': Nuk komentoj marrëzitë e Berishës! Nxori edhe presidentin e SHBA të shitur te Rama

14 Janar, 17:57