POP 5

Lajmet më të lexuara të 5 minutave të fundit

Politikë

Hidhet shorti për KLGJ-KLP
emrat që shkojnë për votim

Nënkomisioni ad hoc pranë Kuvendit për ngritjen e institucioneve të reja të drejtësisë, ka hedhur shortin e dytë për anëtarët e KLGJ dhe KLP, duke përzgjedhur emrat nga radhët e avokatisë, pedagogëve dhe shoqërisë civile të cilët do përbëjnë dy prej institucioneve të rëndësishme të Reformës në Drejtësi.   VIDEO
Hidhet shorti për KLGJ-KLP<br />emrat që shkojnë për votim<br /><br>
Nënkomisioni ad hoc për ngritjen e institucioneve të drejtësisë, ka hedhur shortin e dytë për anëtarët e Këshillit të Lartë Gjyqësor dhe Këshillit të Lartë të Prokurorisë, duke përzgjedhur emrat nga radhët e avokatisë, pedagogëve dhe shoqërisë civile të cilët do përbëjnë dy prej institucioneve të rëndësishme të Reformës në Drejtësi. Kandidaturat e shortit të javës së kaluar u rrëzuan të enjten në Kuvend pasi nuk morën 94 votat e nevojshme për t'u miratuar. 

Kështu, për KGJ, goglat e hedhura këtë të hënë kanë seleksionuar dy kandidatët nga trupa e avokatisë, Fatos Lazimi dhe Fatmira Luli, nga trupa e pedagogëve Maksim Qoku e Mirela Bogdani si dhe nga Shoqëria Civile kandidaten Naureda Llagami.

Sa i takon anëtarëve të KLP, shorti përzgjodhi nga trupa e avokatëve kandidatët Gëzim Allaraj dhe Floreta Gjini. Nga radhët e pedagogëve, Eneda Sema dhe Gent Ibrahimi, ndërsa nga Shoqëria Civile, Andi Muratin. 

Lista me kandidatët fitues të KLGJ dhe KLP, së bashku me raportet përkatëse do t'i përcillen Kuvendit për votim seancën e ditës së enjte. Për miratimin e kandidaturave në Kuvend nevojiten 94 vota. Deputeti i PD, Oerd Bylykbashi u shpreh se opozita nuk do ta votojë këtë listë. Nëse kandidaturat nuk marrin 2/3 e votave të Kuvendit, do rikthehen sërish në nënkomision për të nisur nga e para procedurën.

Por ndryshimi është sipas ligjit të reformës në drejtësi, lista e tretë e cila miratohet nga nënkomisioni, ka një mekanizëm zhbllokues dhe pas hedhjes së goglave në komision, lista shkon për votim në Kuvend, por nëse nuk merr 94 vota, quhet e miratuar.  

Lista e kandidatëve për KLGJ:

Nga trupa e avokatisë:

Fatos Lazimi

Fatmira Luli

Nga trupa e pedagogëve: 

Maksim Qoku

Mirela Bogdani

Nga Shoqëria Civile: 

Naureda Llagami

Lista e kandidatëve për KLP: 

Nga trupa e avokatëve: 

Gëzim Allaraj  

Floreta Gjini

Nga radhët e pedagogëve:

Eneda Sema dhe Gent Ibrahimi

Nga Shoqëria Civile:

Andi Murati 

Redaksia Online
l.q/Shqiptarja.com

  • Sondazhi i ditës:

    A e zgjidh problemin me shqiptarët në Britani vizita e Ramës në Londër?

Lajme të tjera



×

Lajmi i fundit

OKB-ja akuzon Kievin dhe Moskën: Po bëjnë ekzekutime të robërve të luftës

OKB-ja akuzon Kievin dhe Moskën: Po bëjnë ekzekutime të robërve të luftës

24 Mars, 22:53