POP 5

Lajmet më të lexuara të 5 minutave të fundit

Sociale

S’ka vend për varre, Bashkia Durrës privatizon tokën pa dëmshpërblim! Përgjigja për Report Tv: Asnjë pronar nuk u interesua

"Report Tv" i dha zë një javë më parë, shqetësimit të banorëve të Durrësit për ezaurimin e hapësirës për varre. Në përgjigje të interesimit të Report Tv, Bashkia e Durrësit, thotë se e ka gjetur zgjidhjen, duke privatizuar një sipërfaqe 44 mijë metra katror. Por mënyra se si po përvetësohet toka pa dëmshpërblyer pronarët, që kundërshtojnë çmimin, lë hije të forta dyshimi për abuzime nga ky institucion.

Prej afro 4 muajsh hapësira e varrezave publike në Durrës është ezauruar, kësisoj varret e reja po hapen jashtë murit rrethues, në një tokë me pronarë privat. Ky shqetësim është ngritur në Report Tv prej një jave, por këtë të martë ka mbërritur përgjigja zyrtare nga Bashkia e Durrësit, e cila thotë se nuk do të paguajë dëmshpërblimet, ndërsa ka nisur procedurat për privatizimin e një sipërfaqeje prej  44.190 m2.

Në përgjigje të interesimit të Report Tv, Bashkia e Durrësit përmes një email-i shpjegon se kjo sipërfaqe po përdoret aktualisht nga Ndërmarrja e Shërbimeve Komunale për të kryer shërbimet funerale edhe pse ende nuk është kryer shpronësimi. Fajin ua adreson pronarëve të tokës, të cilët nuk janë interesuar për këtë shpronësim.

"Nga ana e jonë në bashkëpunim me Ndërmarrjen e SHërbimeve Komunale  e cila ka hartuar projektin e zgjerimit të tyre po punohet për përgatitjen e të gjithë dokumentacionit teknik dhe ligjor për ta administruar këtë pronë pranë Zyrës Vendore të Agjencisë Shtetërore të Kadastrës Durrës për regjistrimin në favor të Bashkisë Durrës të sipërfaqes  44190 m2. Gjithashtu lidhur me pronarët pasuria e të cilëve preket nga realizimi i projektit është bërë njoftimi sipas ligjit nëpërmjet Njësisë Administrative nr 4 për afishim të listës sipas përcaktimit të pikës 6 të Vkm-së nr.127 dt 23.03.2020. Aktualisht pronarët nuk janë kundërshpërblyer sipas vlerën së përcaktuar në VKM -në nr. 445 dt 22/07/2021, kjo ka ndodhur për shkak të mos interesimit nga ana e tyre për të dorëzuar pranë institucionit të Bashkisë Durrës dokumentin e pronësisë", thuhet në email.

Nga vëzhgimi në terren, Report Tv konstaton se në njësinë nr 4 nuk është e afishuar lista e pronarëve. Kryetarja e njësisë, Davide Ndoji tha në një komunikim telefonik se ky njoftim mund të jetë hequr nga vetë pronarët. Ajo pretendon se janë njoftuar pronarët e tokës, por kanë shprehur pakënaqësi për vlerën çmimin e ulët të caktuar nga qeveria për shpronësim.

Përmes dokumenteve të siguruara nga Report tv rezulton se vlera totale e parashikuar për dëmshpërblimin e 18 pronarëve ishte 17.5 mln lekë, ose ndryshe 397 lek për metër katror.

Mënyra se si po privatizohet toka për interes publik pa kryer më parë procedurat e dëmshpërblimit, lë hije të forta dyshimi për abuzime nga institucioni i bashkisë së Durrësit.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Mandarinat me pesticide, Ministria e Bujqësisë: Kemi bërë kallëzim penal për grumbulluesit! Gjobë e bllokim aktiviteti për shkelësit

Mandarinat me pesticide, Ministria e Bujqësisë: Kemi bërë kallëzim penal për grumbulluesit! Gjobë e bllokim aktiviteti për shkelësit

23 Dhjetor, 08:46