Hillary Clinton bisedon
në telefon me Tadic për Kosovën

Presidenti i Serbisë, Boris Tadic, ka biseduar përmes telefonit me Sekretaren amerikane të Shtetit, Hillary Clinton, në lidhje me dialogun Prishtinë-Beograd, raportojnë mediat serbe. Clinton i ka kërkuar Serbisë të vazhdojë përpjekjet e saj “drejt normalizimit të marrëdhënieve me Kosovën”.

Shefja e diplomacisë amerikane ka shtuar se SHBA është e gatshme t’iu ndihmojë të dyja palëve. Biseda ka ndodhur në prag të vendimit të Brukselit për t’i dhënë ose jo statusin e kandidatit evropian Serbisë.

Bisedimet për çështje teknike ndërmjet Prishtinës dhe Beogradit kanë nisur në mars të vitit të kaluar. ah/shqiptarja.com/