HIMARË- Dëmtimi i digës dhe shembja e murit të ujëmbledhësit në HEC Sasaj, në Bunec të Himarës, ka çuar nën akuzë administratorin e kompanisë për shkatërrim të pronës, kurse KLSH mësohet se ka nisur auditimin ne terren dhe të dokumentacionit, jo vetëm për firmën, por edhe për institucionet përgjegjëse për kontrollin fizik dhe teknik të veprës në fjalë.
Nga vërshimi i ujërave ditën e djeshme (16 Janar), u bllokua rruga Himarë-Sarandë dhe gjithashtu u përmbytën biznese dhe banesa në zonë, duke shkaktuar dëme të shumta ekonomike dhe materiale.
Policia vendore njoftoi se specialistët për Hetimin e Krimeve të Komisariatit të Policisë Himarë referuan materialet në Prokurori ku nisi procedimi për veprën penale “shkatërrimi i pronës”, për shtetasin Vangjel Ngjelo, 68 vjeç, banues në Gjirokastër.
“Dje, rreth orës 12:30, në hidrocentralin ku ai është administrator, është çarë diga, dhe si pasojë është bllokuar rruga nacionale Himarë-Sarandë dhe janë përmbytur disa banesa në vendin e quajtur “Bunec”, bëri me dije policia në njoftimin zyrtar.
Edhe Kontrolli i Lartë i Shtetit nis auditim për ngjarjen e djeshme, ku u dëmtua HEC-i i Sasaj-t në Lukovë.
Gazetari i Report TV, Armand Xhelili informon se kontrolli i institucionit më të rëndësishëm auditues shqiptar, pritet të ketë në objekt verifikimin e shkaqeve që çuan në situatën problematike të ditës së djeshme, e cila solli dëme të konsiderueshme materiale.
Sipas burimeve të KLSH, objekt i kontrollit do të jetë jo vetëm kompania që ka në pronësi këtë strukturë mbi anën teknike, cilësinë e punimeve si dhe atë të projektimit, por edhe institucionet që kanë për detyrë të kontrollojnë këtë HEC dhe të tjerë.
Muri i ujëmbledhësit të hidrocentralit Sasaj në Bunec të Lukovës është çarë mesditën e djeshme rreth orës 12:38, duke shkaktuar përmbytje në fshatrat Lukovë dhe Bunec.
Uji dhe balta ka shkaktuar bllokim për gati 2 orë të rrugës nacionale Bunec-Lukovë, e cila ka qenë e kalueshme vetëm nga automjetet e rëndë.
Në një reagim për Report Tv, prefekti i Vlorës, Plator Nesturi, deklaroi se situata ishte nën kontroll, rruga nacionale u lirua, ndërsa do të bëhet dhe vlerësimi i dëmeve materiale.
Komente
Lajme të tjera
-
Sarandë/ Akuzohet për përdhunimin e një vajze, arrestohet 25-vjeçari i shpallur në kërkim
17 Janar, 16:29 -
Goditi me grusht Policin, arresohet 16 vjeçari në Vlorë
17 Janar, 13:32 -
VIDEO/ Momenti i shembjes së murit të ujëmbledhësit të HEC Sasaj në Bunec
17 Janar, 11:08 -
Vangjel Dule i kërkon Berishës Vlorën: Influenca më e madhe, koalicioni me PD, bazuar në realitetet lokale
16 Janar, 21:27 -
KPA lë në fuqi shkarkimin e gjyqtarit të Gjykatës Administrative të Vlorës Ken Dhima
16 Janar, 17:44 -
Çahet muri i ujëmbledhësit të HEC Sasaj në Bunec, derdhen 15 mijë metra kub ujë! Dëmton 10 biznese e 2 familje! Prefekti i Vlorës për Report Tv: Situata nën kontroll
16 Janar, 13:55
-
Në hetim për korrupsion, kryeprokurori i Sarandës pezullohet nga detyra! SPAK: Veprime të paligjshme në favor të vjehrrit të tij
16 Janar, 11:10 -
Investitorët e rinj strategjikë/ I hapet rrugë ndërtimit të resortit me hotele e vila në Lëkurës të Sarandës, vlera 447 mln €
16 Janar, 07:31 -
Dhëndri i Donald Trump shpallet investitor strategjik, do ndërtojë resortin 1.4 mld € në Sazan! Edhe shteti pjesë e investimit (DOKUMENTI)
15 Janar, 19:00 -
Kabllo nënujore nga Vlora në Pulia, detajet e marrëveshjes për energjinë! Emiratet zgjerojnë prodhimin në Shqipëri, ne e eksportojmë drejt Italisë
15 Janar, 16:56 -
Atentati ndaj Kristian Markut në Vlorë/ Makina e autorëve me targa të vjedhura, ishin të mjetit të një polici në Novoselë
15 Janar, 13:59
-
Vlorë/ Iu gjet kokainë dhe municion luftarak në banesë, arrestohet 30-vjeçari
15 Janar, 13:04
Kush e ka ndertuar ate dige duhet te futet ne burg dhe ti sekuestrohen pasurite per te demshperblyer demet e bera
Përgjigju