/ATSH-AFP/ - Presidenti francez, François Hollande, zhvillon sot një vizitë zyrtare në Greqi, me synimet që të gjejë një zgjidhje përfundimtare për krizën.
Kjo vizitë e dytë e presidentit Hollande në Greqi pas asaj të shkurtit 2013, në periudhën e ish-kryeministrit konservator, Adonis Samaras, shihet gjithashtu nga ana e grekëve si një mesazh besimi dhe miqësie që i drejtohet qeverisë së Aleksis Cipras.
Në një intervistë të dhënë për të përditshmen, Kathimerini, sot në mëngjes, François Hollande, "përshëndet guximin dhe zgjuarsinë e shefit të ri grek, 41 vjeçar".
Nga ana tjetër, komisioneri evropian për Çështjet Ekonomike, Pierre Moscovici, vlerësoi gjatë një interviste për radion "Europe 1" se "Ciprasi po bën ndryshime që prej ardhjes së tij në pushtet, dhe se sot bashkëpunimi me qeverinë greke është shumë i mire".