HONG KONG, 23 dhjetor /ATSH-AFP/ - Një miliarder në Hong Kong, manjat në prona të paluajtshme, u dënua sot me pesë vite burg për korruptim të një ish-numri dy të qeverisë lokale i cili u dënua gjithashtu.
Kjo aferë tronditi ish-koloninë britanike që ka kaluar nën kontrollin kinez në vitin 1997, e shqetësuar të ruajë imazhin dhe rangun e saj në financën ndërkombëtare pas dhjetëra vitesh luftë kundër mafias dhe parave të pista.
Thomas Kwok, 63 vjeç, i shpallur fajtor për blerjen e influencës së ish-sekretarit në detyrë të qeverisë, Rafael Hui, u dënua gjithashtu me një gjobë prej 500 mijë dollarësh të Hong Kongut (53 mijë euro) si dhe nuk mund të drejtojë një kompani për pesë vite.
Përgjegjësi më i lartë i Hang Kongut i dënuar ndonjëherë për korrupsion, Rafael Hui, 66 vjeç, nga ana tjetër mori shtatë vite e gjysmë burg./
/G.S/ a.jor.