Hoti: Me Vuçiçin do të takohemi të enjten, në proces hyjmë vetëm për njohje

Kryeministri i Kosovës, Avdullah Hoti foli për herë të parë pas rinisjes së dialogut me Serbinë. Hoti u shpreh se janë dakordësuar që të takohen të enjten në Bruksel. “Dialogu nuk ka alternativë, dhe vetëm përmes dialogut mund t’i zgjidhim çështjet me Serbinë. Kam propozuar platformën e dialogut, ne në këtë proces hyjmë vetëm për njohjen reciproke dhe normalizimi i plotë i marrëdhënieve në mes të dy vendeve. Kemi arritur pajtueshmëri në parim, të kemi takimin e radhës në Bruksel, të enjtjen që vjen, që është takimi parë pas 20 muajsh që është ndërprerë dialogu. Kemi prezantuar qëndrimin tonë shtetëror dhe jemi të gatshëm të ulemi në çdo tavolinë të dialogut për të mbrojtur shtetësinë e Kosovës dhe për të kërkuar normalizim të marrëdhënieve, që vjen vetëm pas njohjes reciproke në mes të dy vendeve” tha Hoti.

Lajmi kryesor:

Takim online Hoti-Vuçiç, rinis dialogu Kosovë-Serbi/ I dërguari i BE-së: Procesi u rikthye në binarë! Borrell: Duhet kurajo nga liderët

TAG:
• aleksander vucic
• dialogu kosove-serbi
• Avdullah Hoti